कृषिमा यान्त्रीकरण गर्दै उत्पादन बढाउने र कृषि क्षेत्रमा बढिरहेको लागत घटाउने उद्देश्यका साथ नगरपालिकाले कृषकलाई खेत जोत्ने हाते ट्र्याक्टर र मकै छोडाउने मेसिन वितरण गरेको हो ।
बिर्तामोड नगरपालिकाले कृषकलाई खेत जोत्ने हाते ट्र्याक्टर र मकै छोडाउने मेसिन वितरण गरेको छ ।
कृषिमा यान्त्रीकरण गर्दै उत्पादन बढाउने र कृषि क्षेत्रमा बढिरहेको लागत घटाउने उद्देश्यका साथ नगरपालिकाले कृषकलाई खेत जोत्ने हाते ट्र्याक्टर र मकै छोडाउने मेसिन वितरण गरेको हो ।
बिर्तामोड नगरपालिकाभित्रका आठ अाेटा कृषक समूहलाई प्रतिसमूह एउटा हाते ट्र्याक्टर र २० अाेटा समूहलाई मकै छोडाउने मेसिन वितरण गरिएको नगर प्रमुख ध्रुवकुमार शिवाकोटीले बताए ।
हाते ट्र्याक्टर खरिदमा समूहको १५ प्रतिशत र नगरपालिकाको ८५ प्रतिशत अनुदान रहेको बिर्तामोड नगरपालिकाका कृषि अधिकृत राजेन्द्र कडरियाले बताए । प्रतिहाते ट्र्याक्टर खरिदमा दुई लाख २५ हजार र मकै छोडाउने मेशिन १८ देखि २६ हजार रूपैयाँसम्म परेको छ ।
बिर्तामोड नगरपालिकाले आफ्नो योजनामा कृषिलाई मुख्य प्राथमिकता दिएकाले कृषकको सहुलियतका लागि कृषि सामग्री वितरण गरिएको बिर्तामोड नगरपालिकाका प्रमुख सिवाकोटीको भनाइ छ ।
उनले कृषि क्षेत्रको विकासका लागि नगरपालिकाले यस वर्ष एक करोड ५६ लाख विनियोजन गरेको जानकारी दिए । रासस
