पक्राउ पर्नेमा तानसेनका गोङ्गबु बस्दै आएका ५७ वर्षीय सञ्चालक समितिका अध्यक्ष, काठमाडौंको खिचापोखरी बस्ने ६५ वर्षीय चण्डेश्वरी प्रधान (सञ्चालक समितिका सदस्य), ललितपुरका ५१ वर्षीय बटुकृष्ण जोशी (तत्कालीन सीईओ) र ललितपुरका ६५ वर्षीय स्वयम्भुराम जोशी (तत्कालीन सीईओ) छन् ।
सामुदायिक लघुवित्त वित्तीय संस्थामा सञ्चालक समितिको मिलेमतोमा दुई करोड ५० लाख रुपैयाँ हिनामिना गर्ने चार जनालाई प्रहरीले पक्राउ गरेको छ । प्रहरीले संस्थाका सञ्चालक समितिका अध्यक्ष हीरा विश्वकर्मासहित तत्कालीन सीईओ लगायतका चार जनालाई पक्राउ गरेको हो ।
पक्राउ पर्नेमा तानसेनका गोङ्गबु बस्दै आएका ५७ वर्षीय सञ्चालक समितिका अध्यक्ष, काठमाडौंको खिचापोखरी बस्ने ६५ वर्षीय चण्डेश्वरी प्रधान (सञ्चालक समितिका सदस्य), ललितपुरका ५१ वर्षीय बटुकृष्ण जोशी (तत्कालीन सीईओ) र ललितपुरका ६५ वर्षीय स्वयम्भुराम जोशी (तत्कालीन सीईओ) छन् ।
प्रहरीले उनीहरुलाई पक्राउ गरी उच्च अदालत पाटनबाट सात दिनको म्याद थप गरी बैङ्किङ कसुर ऐन, २०६४ अनुसार कारबाही प्रक्रिया अगाडि बढाएको छ ।
उनीहरुले राम जोशीको व्यक्तिगत संस्था नेपाल महिला उत्थान केन्द्रलाई वित्तीय संस्थाको आधिकारिक निकायको स्वीकृतिबिना दुई करोड ५० लाख रुपैयाँ ऋण प्रवाह गरेका थिए । यस्तै, जोशीले नै नेपाल राष्ट्र बैङ्कको नियमविपरीत तलब भत्ता लगायतका शीर्षकमा बिनास्वीकृति ७ लाख ४४ हजार रुपैयाँभन्दा बढी भुक्तानी लिएका थिए ।
साथै, उनीहरुले संस्थामा आर्थिक कारोबार अपारदर्शी ढङगले गरेका थिए ।
