केन्द्रीय तथ्याङ्क विभाग, राष्ट्रिय चिया तथा कफी विभाग बोर्डले सार्वजनिक गरेको तथ्याङ्कअनुसार यस वर्ष १८ हजार नौ सय ५८ मेट्रिक टन चिया उत्पादन भएको हो ।
आर्थिक वर्ष २०७४/०७५ मा व्यावसायिक रुपमा १९ हजार मेट्रिक टन चिया उत्पादन भएको छ । केन्द्रीय तथ्याङ्क विभाग, राष्ट्रिय चिया तथा कफी विभाग बोर्डले सार्वजनिक गरेको तथ्याङ्कअनुसार यस वर्ष १८ हजार नौ सय ५८ मेट्रिक टन चिया उत्पादन भएको हो ।
झन्डै एक सय १३ ओटा चिया उत्पादन गर्ने कारखानाले वार्षिक रुपमा उक्त परिमाणमा चिया उत्पादन गर्छन् । कारखानाबाट वार्षिक ५२ हजार एक सय मेट्रिक टन चिया उत्पादन गर्ने क्षमता भएपनि ती कारखानाबाट पूर्ण क्षमतामा चिया उत्पादन हुन सकेको छैन । परम्परागत चिया खेती, योजन विहीन चिया बगान, निर्वाहमुखी, ब्राह्मण जातिले मात्रै खेती गर्ने परम्परा, पहाडी क्षेत्रमा मात्रै सीमित, कर्जा प्रवाहमा समस्याका कारण उत्पादनमा सन्तोषजनक प्रगति नदेखिएको हो ।
अहिले एक हेक्टरमा मात्रै चिया खेती गर्ने किसानको सङ्ख्या अधिक छ । कुल उत्पादनको ८२ प्रतिशत चिया यिनै एक–एक हेक्टर क्षेत्रफलमा खेती गर्ने किसानले उत्पादन गर्छन् । खासगरी नेपालका १४ जिल्लाका सात हजार आठ सय ६६ हेक्टर क्षेत्रफल जमिनमा व्यावसायिक चिया खेती हुन्छ । इलाम, झापा, पाँचथर, धनकुटा, तेह्रथुम, ताप्लेजुङ, भोजपुर, मोरङ, सङ्खुवासभा, नुवाकोट, सिन्धुपाल्चोक, दोलखा, रामेछाप र ललितपुर व्यावसायिक चिया उत्पादन हुने जिल्ला हुन् । नेपालमा खासगरी सीटीसी चिया, अर्थोडक्स, ग्रीन टी र स्पेसल चिया उत्पादन हुनेगर्छ । यस वर्ष सबैभन्दा बढी सीटीसी चिया १६ हजार ३६ मेट्रिक टन उत्पादन भएको छ । त्यस्तै अर्थोडक्स दुई हजार छ सय ७०, ग्रीन टी दुई सय २०, स्पेसल टी ३२ मेट्रिक टन उत्पादन भएको छ ।
सामुद्री सतहदेखि तीन हजार मिटरको उचाइसम्म चिया खेती गर्न सकिन्छ । प्रायःजसो पहाडी क्षेत्र र मध्य तराईमा चिया उत्पादनका लागि राम्रो वातावरण मानिन्छ । हाल आफ्नै जमिनमा चिया बगान बनाई खेती गर्ने किसान अधिक छन् । झन्डै ९५ प्रतिशतले आफ्नै जग्गामा चिया खेती गरिरहेका छन् । अरुको जग्गा लिजमा लिई खेती गर्ने चार प्रतिशत र अन्य उपभोग अन्तर्गत खेती गरेका एक प्रतिशत मात्रै छन् ।
