राष्ट्रपति कार्यालयमा हाल भएको गाडी पुरानो भएको कारण नयाँ गाडी किन्न लागिएको भएपनि एउटै गाडीको मूल्य भने १८ करोड नहुने बताए ।

राष्ट्रपति बिद्यादेवी भण्डारीका लागि १८ कराेड रूपैयाँकाे गाडी किन्ने खवर गलत भएको ससूचना तथा सञ्चारमन्त्री गाेकुल बास्काेटाले जानकारी दिएका छन् ।

राष्ट्रपति कार्यालयमा हाल भएको गाडी पुरानो भएको कारण नयाँ गाडी किन्न लागिएको भएपनि एउटै गाडीको मूल्य भने १८ करोड नहुने बताए । १८ करोडभित्र अाधादर्जन गाडी किन्न लागेकाे उनको भनाइ छ । हालसम्म राष्ट्रपति र उपराष्ट्रपतिले कुनै सुविधा माग नगरेको बताउँदै सरकारले नै महसुस गरेर गाडी खरिद गर्न लागेको र याे निर्णय पुरानै भएको सञ्चारमन्त्री बास्काेटाकाे भनाइ छ ।

मन्त्रिपरिषदकाे निर्णय सार्वजनिक गर्दै मन्त्री बास्काेटाले हल्लाकाे पछि नलाग्न सबैलाई अनुरोध गरेका छन् ।