दोस्रो एक दिवसीय सिरिज जितेसँगै आईसीसीले नेपाललाई बरियतामा समावेश गरेको हो । यूएईमा जारी सिरिज घरेलु टोली संयुक्त अरब इमिरेट्स (यूएई) विरुद्धको तीन खेलको एकदिवसीय सिरिजमा २–१ को जित निकालेपछि नेपाल आईसीसीको बरियतामा परेको हो ।
काठमाडौँ । नेपाल पहिलो पटक अन्तर्राष्ट्रिय क्रिकेट परिषद् (आईसीसी) को एकदिवसीय क्रिकेटको बरियतामा समावेश भएको छ ।
दोस्रो एक दिवसीय सिरिज जितेसँगै आईसीसीले नेपाललाई बरियतामा समावेश गरेको हो । यूएईमा जारी सिरिज घरेलु टोली संयुक्त अरब इमिरेट्स (यूएई) विरुद्धको तीन खेलको एकदिवसीय सिरिजमा २–१ को जित निकालेपछि नेपाल आईसीसीको बरियतामा परेको हो ।
सोमबार भएको तेस्रो तथा अन्तिम एकदिवसीयमा यूएईलाई चार विकेटले हराउँदै नेपालले नेपालले पहिलो पटक एकदिवसीय क्रिकेट सिरिज जितेको हो । यूएईविरुद्धको सिरिज जितेपछि नेपालले बरियताको १५औँ स्थान हासिल गरेको छ । आईसीसीबाट एक दिवसीय अन्तर्राष्ट्रिय मान्यता पाएपछि ६ खेल खेलेको नेपालले १५२ अङ्क पाएको आईसीसीले जनाएको छ । यूएई भने २६३ अङ्कका साथ १४औँ स्थानमा छ ।
बरियताको शीर्ष स्थानमा इङ्ग्ल्याण्ड, दोस्रोमा भारत र तेस्रोमा स्थानमा न्यूजील्याण्ड छन् । त्यस्तै दक्षिण अफ्रिका चौथो, पाकिस्तान पाँचौँ, अष्ट्रेलिया छैटौँ, बङ्गलादेश सातौँ, श्रीलङ्क आठौँ, वेष्टइन्डिज नवौँ, अफगानिस्तान १०औँ, जिम्बावे ११औँ, आयरल्याण्ड १२औँ र स्कटल्याण्ड १३औँ स्थानमा छन् । नेपालले डेब्यू एकदिवसीय सिरिज भने नेदरल्याण्डसँग १–१ को बराबरी खेलेको थियो । नेपालले गत मार्चबाट चार वर्षका लागि एकदिवसीय अन्तर्राष्ट्रिय मान्यता पाएको थियो । रासस
