एजुकेसन कन्सलटेन्सी खोल्ने भन्दै ६४ जनाबाट उक्त रकम उठाएर काम नगरेको भन्दै पूर्वमहान्यायाधिवक्ता पवनकुमार ओझालगायतका व्यक्तिको उजुरीका आधारमा प्रहरीले सिवाकोटीलाई पक्राउ गरेको काठमाडौं प्रहरी प्रमुख एसएसपी वसन्त लामाले बताए ।
काठमाडौं । एजुकेसन कन्सलटेन्सी खोल्ने भन्दै ६४ जनाबाट २ करोड ७६ लाख रकम उठाएर ठगी गरेको अभियोगमा पृथ्वीनारायण क्याम्पस पोखराका सहप्राध्यापक डा. गोपाल सिवाकोटी ‘चिन्तन’ पक्राउ परेका छन् ।
एजुकेसन कन्सलटेन्सी खोल्ने भन्दै ६४ जनाबाट उक्त रकम उठाएर काम नगरेको भन्दै पूर्वमहान्यायाधिवक्ता पवनकुमार ओझालगायतका व्यक्तिको उजुरीका आधारमा प्रहरीले सिवाकोटीलाई पक्राउ गरेको काठमाडौं प्रहरी प्रमुख एसएसपी वसन्त लामाले बताए ।
एसएसपी लामाका अनुसार डा. सिवाकोटी र नुवाकोटका बद्रिकुमार थापाले कन्सलटेन्सी खोल्ने भन्दै पूर्वमहान्यायाधिवक्ता पवनकुमार ओझालगायतका विभिन्न ६४ जनाबाट सो रकम उठाएका थिए ।
रकम उठाएको लामो समयसम्म कुनै काम नगरेको र रकम पनि फिर्ता गर्ने कुनै चासो नदेखाएपछि सिवाकोटी र थापालाई पक्राउ गरी ठगी मुद्दा अघि बढाइएको एसएसपी लामाले बताए ।
‘पीडितको उजुरीका आधारमा हामीले सिवाकोटी र थापालाई नियन्त्रणमा लिएर अनुसन्धान थालेका छौं, सिवाकोटीले अर्को पनि ठगी गरेको खुलेको छ,’ एसएसपी लामाले भने, ‘त्यतातिर पनि अनुसन्धान हुँदैछ ।’
