आइतबार राष्ट्रिय सभाअन्र्तगतको दिगो विकास तथा सुशासन समितिको बैठकमा अख्तियारका प्रमुख नविन घिमिरेले मालपोत, नापी, भन्सार, गाँउपालिका, नगरपालिका, वैदेशिक रोजगार विभाग, यातायात व्यवस्था विभाग र स्वयम् अख्तियारकै घुस खाने कर्मचारीलाई पक्राउ गर्न ‘टास्क फोर्स’ गठन गरिएको जानकारी दिए ।
काठमाडौं । अख्तियार दुरुपयोग अनुसन्धान आयोगले घुस्याहा कर्मचारी पक्राउ गर्न र आयोगकै कर्मचारीको निगरानी गर्न र्यापिड रेस्पोन्स टास्क फोर्स गठन गरेको छ ।
आइतबार राष्ट्रिय सभाअन्र्तगतको दिगो विकास तथा सुशासन समितिको बैठकमा अख्तियारका प्रमुख नविन घिमिरेले मालपोत, नापी, भन्सार, गाँउपालिका, नगरपालिका, वैदेशिक रोजगार विभाग, यातायात व्यवस्था विभाग र स्वयम् अख्तियारकै घुस खाने कर्मचारीलाई पक्राउ गर्न ‘टास्क फोर्स’ गठन गरिएको जानकारी दिए ।
बैठकमा बोल्दै अख्तियार प्रमुख घिमिरेले भने, ‘स्टिङ अपरेसनका रुपमा ‘रेड ह्यान्ड’ समातेर कारवाही गरिरहेका छौँ, एक दिन बिराएर अहिले स्टिङ अपरेसन भइरहेको छ, त्यो मात्र अपरेसन पर्याप्त छैन । त्यसैले हामीले अर्को कदम चालेका हौै, जसमा अख्तियारकै कर्मचारीको पनि निगरानी हुनेछ ।’
बैठकमा घिमिरेले नागरिक निगरानी समूह पनि निर्माण गर्न लागेको जानकारी दिए । नागरिक समाज, सञ्चार क्षेत्र, राज्यका अन्य संयन्त्र र आयोगको संयन्त्रबीच एकीकृत रुपमा संयोजन भए मात्रै भ्रष्टाचार नियन्त्रण हुने भन्दै घिमिरेले त्यसका लागि आवश्यक कदम चालिने बताए ।
