नापी कार्यालयले गाउँपालिकाको करिब ६० गाउँ ब्लकमा जोतभोग गरिरहेका नौ सय ११ घरपरिवारलाई जग्गा धनीको जग्गा नाप नक्सा गरी जग्गा धनी पुर्जा वितरण गरेको हो ।
पश्चिम नवलपरासीको सरावल गाउँपालिकामा गाउँ ब्लक जग्गाको जग्गा धनी पुर्जा वितरण गरिएको छ ।
वषैंदेखि जोतभोग गर्दैआएका भूमिहीनलाई नापी कार्यालय पश्चिम नवलपरासीले गाउँ ब्लक जग्गाको जग्गा धनी पुर्जा वितरण गरेको हो ।
नापी कार्यालयले गाउँपालिकाको करिब ६० गाउँ ब्लकमा जोतभोग गरिरहेका नौ सय ११ घरपरिवारलाई जग्गा धनीको जग्गा नाप नक्सा गरी जग्गा धनी पुर्जा वितरण गरेको हो ।
घरघडेरी र खेतको रुपमा जोतभोग गरिरहेका नौ सय ११ घरपरिवारलाई गाउँ ब्लक अन्तर्गतको २९२ हेक्टर क्षेत्रफलको जग्गाको लालपुर्जा वितरण गरिएको नापी कार्यालयका प्रमुख सुग्रिम यादवले बताए ।
हरेक पुर्जा पाउने जग्गाधीले जोतभोगको आधारमा कम्तीमा आठ धुर भन्दा बढी दुई कठ्ठासम्म जग्गाको पुर्जा पाएका छन् । यसै गाउँपालिकामा २५ प्रतिशत जग्गाधनीहरुले विभिन्न जग्गा विवाद र निवेदन नदिएकाले पुर्जा पाउनबाट वञ्चित भएका छन् ।
विस २०६८ मा जिल्लाको साविक हकुई, सुक्रौली, अमरौड, रामनगर, सुनवल, माकर, जहदा, नर्सही, गुठीपर्सौनी, त्रिवेणी लगायतका गाविसमा लालपुर्जा वितरण भइसकेको छ ।
नाप नक्सा भइसकेको स्थानीय तहमा यसै महिनाभित्र पुर्जा वितरण गरिने छ, भने अरु बाँकी स्थानीय तहमा असार महिनाभित्रै पूर्र्जा वितरण गरिसक्ने नापी कार्यालयले जनाएको छ ।
जग्गाधनीले लालपुर्जा पाएपछि निकै खुशी भएका छन् । पुर्जा नहुँदा उनीहरुले व्यक्तिगत काम, बैङ्कबाट ऋण लिने, धितो राख्ने, बेचबिखन गर्न, अंशबण्डा गर्नसमेतका कार्यबाट वञ्चित थिए ।
