चितवनको रामपुर, बाराको परवानीपुर र सुनसरीको तरहरामा अहिले बहुराष्ट्रिय कम्पनीका ४४ र यसअघि सूचीकृत भएका भएका चार गरी ४८ जातका मकैको परीक्षण भइरहेको छ ।
चितवनको रामपुरस्थित राष्ट्रिय मकैबाली अनुसन्धान कार्यक्रमले विभिन्न क्षेत्रमा परीक्षण गरिएका बहुराष्ट्रिय कम्पनीका हाइब्रिड (वर्णसङ्कर) मकैको ‘परीक्षण मूल्याङ्कन’ सुरु गरेको छ ।
चितवनको रामपुर, बाराको परवानीपुर र सुनसरीको तरहरामा अहिले बहुराष्ट्रिय कम्पनीका ४४ र यसअघि सूचीकृत भएका भएका चार गरी ४८ जातका मकैको परीक्षण भइरहेको छ ।
नेपालमा कुन जात लगाउन योग्य छ र कुन जात लगाउन अयोग्य छ भनेर परीक्षण गरिएका मकैको कृषि वैज्ञानिककै सहभागितामा आजदेखि ‘परीक्षण मूल्याङ्कन’ थालिएको राष्ट्रिय मकैबाली अनुसन्धान कार्यक्रमका संयोजक डा केशवबाबु कोइरालाले जानकारी दिए ।
आज रामपुरबाट सुरु भएको परीक्षण बाराको परवानीपुर र सुनसरीको तरहरामा पुगेर सकिने छ । मूल्याङ्कनका लागि कृषि वैज्ञानिकसहित विषयगत समितिका प्रतिनिधि तथा एग्रोभेटका प्रतिनिधि सहभागी छन् । तीन दिनसम्म चल्ने मूल्याङ्कनका क्रममा उनीहरुले परीक्षण गरिएका मकैको अवस्था, उत्पादन, रोग किराको सङ्क्रमण, घोगाको अवस्था, दाना कस्तो लागेको छ भनेर अध्ययन गर्ने भएका छन् ।
यस्तै अध्ययनका क्रममा चाँडो पाक्यो कि ढिला पाक्यो, बोट अग्लो छ कि होचो छ तथा घोगा कुन स्थानमा लागेको छ लगायतका विषयमा मूल्याङ्कन हुने मकैबाली अनुसन्धान कार्यक्रमका वरिष्ठ वैज्ञानिक चित्रबहादुर कुँवरले जानकारी दिए ।
किसानका लागि मकै लगाउन सिफारिस गर्ने समयमा यसरी अनुसन्धान गरेर आएको प्रतिवेदनलाई समेत आधार मानिने जनाइएको छ । सो परीक्षण मूल्याङ्कनमा २१ वज्ञानिक सहभागी छन् ।
