गम्भीर घाइते पाँच जनालाई बुटवल र अन्यलाई जिल्ला अस्पताल बिजुवार लगिएको छ ।
महेन्द्रनगरबाट प्युठान सदरमुकाम खलङ्गा आउँदै गरेको ना ४ ख १८ नम्बरको बस दुर्घटना हुँदा ६ जनाको मृत्यु भएको छ भने ३१ जना घाइते भएका छन् । गम्भीर घाइते पाँच जनालाई बुटवल र अन्यलाई जिल्ला अस्पताल बिजुवार लगिएको छ ।
मृत्यु हुनेमा बस चालक कैलाली चौमालाका वीरबहादुर थारुको मृत्यु भएको छ भने अन्य मृतकको सनाखत हुन सकेको छैन । उनीहरूको जिल्ला अस्पताल बिजुवारमा आएपछि सनाखत हुने प्रहरी नायब उपरीक्षक राजेन्द्र पोख्रेलले जानकारी दिए ।
सरुमारानी गाउँपालिका–४ स्थित बडडाँडा बजार नजिक ओरालो बाटोमा बस दुर्घटनामा परेको थियो ।
