नेपाल उद्योग वाणिज्य महासङ्घको कार्यसमिति बैठकले एसोसिएट रिक्त सदस्य पदमा एचपी अग्रवाल ग्रुप अफ कम्पनीकी सञ्चालक सुशिला गोयल (श्रेया अग्रवाल) लाई कार्यसमिति सदस्यमा मनोनीत गरेको छ ।

महासङ्घको विधानको दफा ५६ को उपदफा ५६.४ अनुसार वर्तमान कार्यकारिणी समितिको पदावधिसम्मका लागि उनलाई नियुक्त गरिएको महासङ्घले जनाएको छ । विगत एक दशकदेखि उद्योग क्षेत्रमा सक्रिय श्रेया महासङ्घका पूर्वकार्य समिति सदस्य स्वर्गीय मनीष अग्रवालकी धर्मपत्नी हुन् ।