अनुमति दिइएका खानीमध्ये चुनढुङ्गा ५२, क्वार्ज ४, रातोमाटो ५, कोइला १४, सिसा ३, टल्क १२, फलाम ३, डोलोमाइट १, मार्बल ३, स्ल्याब ८, म्याग्नेसाइट १, जिङ्क १, कायनाइट ९, क्याल्साइट १ र टुर्मालिनका १२ ओटा खनिज छन् । महाशाखाका प्रमुख रामप्रसाद घिमिरे खनिजका लागि महाशाखाले ३ सय ६४ स्थानमा अध्ययन गरे पनि जम्मा १ सय २९ स्थानमा मात्र उत्खननका लागि अनुमति दिइएकोे बताए ।

खानी तथा भूगर्भ विभाग, खनिज सम्पदा महाशाखाले देशभरका १ सय २९ व्यक्ति तथा कम्पनीलाई खनिज उत्खननका लागि अनुमति दिएको छ ।
महाशाखाले देशका विभिन्न भूभागमा रहेका खनिज सम्पदाको अध्ययन गरी उक्त सङ्ख्यामा उत्खनन गर्न व्यक्ति तथा कम्पनीलाई अनुमति दिएको हो । अनुमति दिइएका खानीमध्ये चुनढुङ्गा ५२, क्वार्ज ४, रातोमाटो ५, कोइला १४, सिसा ३, टल्क १२, फलाम ३, डोलोमाइट १, मार्बल ३, स्ल्याब ८, म्याग्नेसाइट १, जिङ्क १, कायनाइट ९, क्याल्साइट १ र टुर्मालिनका १२ ओटा खनिज छन् ।
महाशाखाका प्रमुख रामप्रसाद घिमिरे खनिजका लागि महाशाखाले ३ सय ६४ स्थानमा अध्ययन गरे पनि जम्मा १ सय २९ स्थानमा मात्र उत्खननका लागि अनुमति दिइएकोे बताए ।

’सबै खोजतलास गरेका ठाँउमा खनिज हुन्छ भन्ने हुँदैन, खनिज पत्ता लागेको ठाउँमा मात्र उत्खनन गर्ने हो’, उनी भन्छन् । नेपालमा उत्खनन गर्न लागिएका खनिजमध्ये अधिकांश स्वदेशी लगानीमै उत्खनन हुने महाशाखाले जनाएको छ । महाशाखाका अनुसार ४ खनिजको उत्खनन भारतीय र ३ खनिजको उत्खनन चिनियाँ कम्पनीले गर्न लागेका छन् ।

नेपालमा उत्खनन गरिएका खनिजलाई अतिमहत्वपूर्ण, महत्वपूर्ण र साधारण गरी तीन भागमा छुट्टाइएको छ । तीमध्ये अतिमहत्वपूर्णमा सुन, चाँदी, हीरालगायतका बहुमूल्य धातु पर्छन् । महत्वपूर्णमा चुनढुङ्गा, काइनाइट, फलाम र साधारणमा रातोमाटो, गिट्टी, बालुवालगायत पर्दछन् । मुलुकमा उत्पादित काइनाइट, टुर्मालिन र क्वार्जजस्ता खनिज पदार्थलाई मूल्य अभिवृद्धि र प्रविधिको अभावका कारणले दुई वर्षदेखि विदेशमा निकासी गर्न नसकिएको महाशाखा प्रमुख घिमिरेले जानकारी दिए ।