नेपाल राष्ट्र बैङ्कले बिहीबार वाणिज्य बैङ्क तथा वित्तीय संस्थालाई परिपत्र गरी शैक्षिक योग्यताको प्रमाणपत्र धितोमा कर्जा उपलब्ध गराउन निर्देशन दिएको हो ।
शिक्षित युवा स्वरोजगार कर्जाअन्तर्गत शैक्षिक योग्यताको प्रमाणपत्र धितो राखेर ऋण पाइने भएको छ । नेपाल राष्ट्र बैङ्कले बिहीबार वाणिज्य बैङ्क तथा वित्तीय संस्थालाई परिपत्र गरी शैक्षिक योग्यताको प्रमाणपत्र धितोमा कर्जा उपलब्ध गराउन निर्देशन दिएको हो ।
सरकारले चालू आर्थिक वर्षको बजेटमार्फत् शैक्षिक योग्यताका आधारमा प्रमाणपत्र धितो राखी सहुलियत रुपमा शैक्षिक कर्जा लिन पाउने व्यवस्था गरेको थियो । राष्ट्र बैङ्कको परिपत्रपछि प्रमाणपत्र धितो राखेर वाणिज्य बैङ्कहरुले सात लाख रुपैयाँसम्म शैक्षिक कर्जा दिन पाउने छन् ।
शैक्षिक कर्जा लघुवित्त बाहेक वाणिज्य बैङ्क, विकास बैङ्क र अन्य वित्तीय संस्थाबाट पाइनेछ । स्नातक उत्तीर्ण विद्यार्थीले शुक्रबारदेखि नै शैक्षिक कर्जा लिन पाउने व्यवस्था गरिएको राष्ट्र बैङ्कले जनाएको छ ।
