नागरिक समाज, मानव अधिकारकर्मी तथा द्वन्द्व पीडित समुदायको समूहले गङ्गामाया अधिकारीका छोरा नूरप्रसाद अधिकारीलाई रिहाई गर्न अपिल गरेको छ । अधिकारीलाई सरकारले ज्यान मार्ने उद्योगमा झुठा मुद्दा लगाएर फसाउने षडयन्त्र गरिरहेको भन्दै उक्त कार्यको भर्त्सना गर्दै सो समूहले अपिल जारी गरेको हाे ।

समूहद्वारा जारीे अपिलमा द्वन्द्वकालीन समयमा पीडक रहेको ठूलो समूह अहिले सत्तारुढ रहेको र उसले द्वन्द्वकालका पीडितलाई न्याय एवम् परिपूरणको व्यवस्था गर्नुको साटो धम्क्याउँदै मानवता विरुद्धका अपराधीलाई उन्मुक्ति दिने काम गरिरहेको उल्लेख छ ।

अपिलमा युद्ध अपराधी, मानवता विरुद्धका अपराधी र अन्य जघन्य वा गम्भीर अपराधीमाथि अनुसन्धान, अभियोजन र हदैसम्मको सजाय गर्न तथा पीडितको सत्य, न्याय र परिपूरणको अधिकार कानुनी रुपमा सुनिश्चित गर्न समेत समूहले माग गरेको उल्लेख छ ।