क्रिप्टोकरेन्सी एक्सचेञ्ज गर्ने भारतको बेङ्गलुरु सहरस्थित कम्पनी युनोक्वाइनको आँकडाअनुसार, डिसेम्बर २०१६ मा उक्त कम्पनीबाट एक हजार व्यक्तिले रजिस्ट्रेसन गरेका थिए भने गत महिना प्रतिदिन दस हजारको औसतले रजिस्ट्रेसन भए ।

बेङ्गलुरु, भारत
सरकारले दिएको कडा चेतावनीका बावजुद भारतीय लगानीकर्ताहरु बिटक्वाइन, रिपल र लाइटक्वाइन जस्ता क्रिप्टोकरेन्सीतर्फ आकर्षित हुँदैछन् । क्रिप्टोकरेन्सी एक्सचेञ्ज गर्ने प्लेटफार्महरुमा रजिस्ट्रेसनका लागि लामो प्रतीक्षासूचीमा बस्नुपर्ने भएको छ ।

बितेका केही वर्षहरुमा भर्चुअल मुद्राको मूल्यमा आश्चर्यजनक वृद्धि भएकाले मान्छेहरु यसैको प्रयोगले व्यापार गर्न चाहन्छन् । क्रिप्टोकरेन्सी एक्सचेञ्ज गर्ने भारतको बेङ्गलुरु सहरस्थित कम्पनी युनोक्वाइनको आँकडाअनुसार, डिसेम्बर २०१६ मा उक्त कम्पनीबाट एक हजार व्यक्तिले रजिस्ट्रेसन गरेका थिए भने गत महिना प्रतिदिन दस हजारको औसतले रजिस्ट्रेसन भए । केही दिनअघि मात्र भारतका वित्तमन्त्री अरुण जेटलीले सरकार र रिजर्भ बैङ् अफ इन्डियाले कुनै पनि क्रिप्टोकरेन्सीलाई कानूनी मान्यता नदिएको बताएका थिए ।

क्रिप्टोकरेन्सी एक्सचेञ्ज गर्ने सबै वेबसाइटहरुको हालत पनि यस्तै छ । क्वाइनश्योरले आप्mनो वेबसाइटमा सूचना नै लेखेको छ, ‘ग्राहकहरुको ’नो योर कस्टमर’ (केवाईसी) प्रोसेसमा अझै केही समय लाग्ने छ ।’ उनीहरुसँग रजिस्ट्रेसनका लागि प्रतिदिन औसत चार हजार आवेदन आइरहेका छन् । उनीहरुले आप्mनो वेबसाइटमा थोरै परिवर्तन गरी भेरिफिकेसनबिना नै पेमेन्ट गर्न मिल्ने विकल्प बन्द गरिदिएका छन् । अरु वेबसाइटहरुसँग पनि कामको बोझ थपिएको छ जसले गर्दा नयाँ कर्मचारी थप्ने योजना पनि बनाएका छन् ।

यहाँ यो भन्नु उपयुक्त होला कि भारतमा कुनै व्यक्तिले कम्तीमा दस हजार भारतीय रुपैयाँको बिटक्वाइन मुद्रा किन्न सक्छ । कुनै क्रिप्टोकरेन्सी एक्सचेञ्ज प्लेटफार्ममा लगइन गरेपछि सबैभन्दा पहिला युजरको उपलब्ध भएजति सबै जानकारीहरुको परीक्षण गरिन्छ । त्यसपछि फन्ड ट्रान्सफर हुन्छ र युजरलाई एउटा डिजिटल वालेट प्राप्त हुन्छ जुन वालेटमा बिटक्वाइन स्टोर गर्न सकिन्छ । हाल एउटा बिटक्वाइनको मूल्य दस लाख भारतीय रुपैयाँ जति पर्छ तर गत महिना यसको मूल्य १९ लाख भारतीय रुपैयाँसम्म पुगेको थियो जुन अहिलेसम्मकै उच्च हो ।

नेपालमा भने यसको खरिदबिक्री गैर कानुनी मानिन्छ ।