सार्वजानिक सवारी साधनभित्र पाकेटमारीका घटना बढेको उजुरीपछि महानगरीय प्रहरी परिसर काठमाडौंले पाकेटमारी नियन्त्रण गर्न सरोकारवालासँग समन्वय गरी अप्रेशन चलाएको काठमाडौं प्रहरी प्रमुख एसएसपी वसन्त लामाले बताए ।
काठमाडौं : काठमाडौं उपत्यका भित्रका सडमा चल्ने सवारीसाधनभित्र हुने पाकेटमारी नियन्त्रण गर्न प्रहरीले अप्रेशन नै सञ्चालन गरेको छ ।
मङ्सिर १५ गतेबाट प्रहरीले सुरु गरेको अप्रेशनमा ७७ जना पाकेटमारलाई पक्राउ गरेको छ ।
सार्वजानिक सवारी साधनभित्र पाकेटमारीका घटना बढेको उजुरीपछि महानगरीय प्रहरी परिसर काठमाडौंले पाकेटमारी नियन्त्रण गर्न सरोकारवालासँग समन्वय गरी अप्रेशन चलाएको काठमाडौं प्रहरी प्रमुख एसएसपी वसन्त लामाले बताए ।
उनका अनुसार मंसिर १५ गते यता काठमाडौं भित्र चल्ने सार्वजानिक सवारी साधनमा सादा पोशाकका प्रहरी परिचालित छन् ।
दैनिक रुपमा ५० जना सादा पोसाकका प्रहरी परिचालन गरिएको र १९ दिनको अवधिमा ७७ जना पाकेटमार पक्राउ परेको एसएसपी लामाले बताए ।
पक्राउ परेका पाकेटमारले सार्वजानिक बसहरुमा विभिन्न बस पकेटहरुवाट २ देखि जनाको समूहसम्मको समुह बनाएर बसमा छिर्ने पैसा भएको ब्याक्ति पत्ता लगाई अगाडिपछाडिबाट घेराबन्दीमा पारी ठेलमठेलको अवस्था बनाई मौका छोपी मोबाइल, नगद र सुनचाँदी पकेटमारी गरी पालोपालो गरी ओर्लने गरेको प्रहरीले जनाएको छ ।
पक्राउ परेका पाकेटमारबाट प्रहरीले ५ लाख ९६ हजार रुपैया बरामद गरेको छ ।
