सर्वोच्च अदालतले ५५० करोड बक्यौता रकम तिर्न चार हप्ताको ताकेता गरेको एक दिनपछि अम्बानीले आरएनएएमको सेयर बिक्री गर्ने समाचार आएको हो ।
एजेन्सी । अनील अम्बानीको रिलायन्स क्यापिटलले बिहीबार जापानको निप्पोन लाइफ इन्स्योरेन्सलाई रियलायन्स निप्पोन लाइफ एसेट मेनेजमेन्ट (आरएनएएम)को ४३ प्रतिशत सेयर खरिद गर्न आह्वान गरेको छ । सर्वोच्च अदालतले ५५० करोड बक्यौता रकम तिर्न चार हप्ताको ताकेता गरेको एक दिनपछि अम्बानीले आरएनएएमको सेयर बिक्री गर्ने समाचार आएको हो ।
जापानी लाइफ इन्स्योरेन्स कम्पनी निप्पोनले यसअघि नै आरएनएएमबाट ४२.८८ प्रतिशत सेयर खरिद गरेको छ । आरएनएएम रियलायन्स म्युचुअल फन्ड आरएमएफको सम्पत्ति व्यवस्थापन संस्था हो ।
रिलायन्स क्यापिटल लिमिटेडले आफ्नो साझेदार निप्पोन लाइफ इन्स्योरेन्स कम्पनी लिमिटेडलाई आरएनएएमको थप ४३ प्रतिशत सेयर खरिद गर्न आह्वान गरेको छ । तर, कम्पनीले यस विषयमा अन्य कुनै विवरण उपलब्ध गराएको छैन ।
