शनिबार युवाँ संगठनले विज्ञप्ती जारी गरी पटक पटक चेतावनी दिदा पनि अध्यक्ष गुरुङले आफुहरुको कुरा नमानेको भन्दै सांकेतिक रुपमा बम हानेको जनाएको छ । विज्ञप्तीमा यो चेतावनीलाई नमानेमा सशस्त्र कार्वाही गर्ने उल्लेख छ ।
काठमाडौ । वैदेशिक रोजगार व्यवसायी संघका अध्यक्ष रोहन गुरुङको घरमा भएको बम विस्फोटनको जिम्मेवारी विप्लप निकट युवाँ सगंठनले लिएको छ । युवाँ संगठनले शुक्रबार साझ गुरुङको घरमा बम विस्फोटन गराएको थियो ।
शनिबार युवाँ संगठनले विज्ञप्ती जारी गरी पटक पटक चेतावनी दिदा पनि अध्यक्ष गुरुङले आफुहरुको कुरा नमानेको भन्दै सांकेतिक रुपमा बम हानेको जनाएको छ । विज्ञप्तीमा यो चेतावनीलाई नमानेमा सशस्त्र कार्वाही गर्ने उल्लेख छ ।
बम विस्फोटनबाट बा ८ च ६७८९ नम्बरको गाडि पूर्ण रुपमा जलेको छ भने घरको सिसा फुटेको छ । टपजव मेनपावर र सुनगाभा ओरेन्टेसन कार्यालय समेत रहेंको उनको घरमा भएको बम विस्फोटनबाट सो आसपासका घरहरूको सिसा फुट्नुका साथै बाटोमा हिड्ने ३ जना पैदलयात्री समेत घाइते भएका थिए । उक्त विष्फोटबाट सोही घरमा किराना पसल गर्ने मणिराम पोखरेल र निजको छोरा मनिस पोखरेल समेत घाइते भएका छन् ।
अध्यक्ष गुरुङको घरमा बम विस्फोटन भएपछि शनिवार विहानै श्रम,रोजगार तथा सामाजिक सुरक्षा मन्त्री गोकर्ण विष्ट घटनास्थलमा पुगेका छन् । उनले विस्फोटनमा संलग्नलाई कार्वाहीको लागि गृहमन्त्रालय र गृहसचिवलाई अनुरोध गर्ने आश्वासन दिएका छन् । यसैबीच अध्यक्ष गुरुङको घरमा बम विस्फोटन गरेको भन्दै त्यस्को विरोधमा आइतबार सबै मेनपावर कम्पनीहरु बन्द गर्ने निर्णय गरेको छ ।
