दलित समुदायको अपमान गरेको भन्दै पछिल्लो समयमा सांसद वलीले राष्ट्रियसभा सदस्यबाट नै राजिनामा दिनु पर्ने भन्दै दलित समुदायबाट व्यापक विरोध हुँदै आएको थियो ।
काठमाडौं । आफूले दलित समुदायको आत्मा सम्मानमा चोट पुर्याएको भन्दै राष्ट्रियसभा सदस्य कोमल वलीलेले संसद बैठकबाट नै माफी मागेकी छिन् । केही समयअघि कान्तिपुर टेलिभिजनको एक कार्यक्रममा बोल्ने क्रममा दलित समुदायसँग जोडिएको उखान टुक्का ‘मरेपछि डुमै राजा’ जोडेर बोलेपछि बिवादमा आएकी राष्ट्रियसभा सदस्य वलील बुधबारको राष्ट्रियसभा बैठकमा माफी मागेकी हुन् ।
बैठकमा सांसद ओलीले ‘ कार्यक्रममा बोल्ने क्रममा मैले त्यो उखान कुनै एक समुदायको मन दुखाउन प्रयोग गरेकी थिइनँ तर, मैले प्रयोग गरेको उखानले कसैलाई चोट पुगेको भए म त्यसप्रति म क्षमा याचना गर्दछु’ उनले भनिन् ।
‘देशका सबै जाति र समुदायप्रति मेरो उच्च सम्मान छ । मैले कसैको मर्यादामा आँच पुर्याउनका लागि उखान प्रयोग गरेकी हैन ।’ उनले भनिन् ।
उनले बोल्ने क्रममा दलित समुदायको अपमान गरेको भन्दै पछिल्लो समयमा सांसद वलीले राष्ट्रियसभा सदस्यबाट नै राजिनामा दिनु पर्ने भन्दै दलित समुदायबाट व्यापक विरोध हुँदै आएको थियो ।
