वल्ड ट्राभल एण्ड टुरिज्म काउन्सिलको विवरण अनुसार २०१९ को वर्षसम्म हस्पिटालिटीको क्षेत्रमा २७ करोड ५० लाख रोजगारी सृजना हुनेछ जसमा काउन्सिलले महिलाको बर्चस्व यस क्षेत्रमा अत्याधीक हुने अनुमान गरेको छ । नेतृत्वको भूमिकाबाट महिलाहरुले हस्पिटालिटी क्षेत्रमा सकरात्मक परिवर्तन ल्याएको छ ।
महिला र उनीहरुको पेशागत भविष्यलाई लिएर विश्वभरी नै छलफल तथा अन्तरक्रियाहरु हुने गरेका छन् । यी सम्पूर्ण छलफलहरुको उदेश्य भनेको सबै तहमा तत्काल रहेको लैंगिक भेदलाई पहिचान गर्नु र प्रत्येक संगठनका सदस्यले अगाडी आएर त्यस भेदलाई मेटाउने रोडम्याप तयार गर्नु हो ।
अहिले यस मुद्दामा सकरात्मक परिवर्तन आइरहेको छ र सबै संगठनहरुले नेतृत्वमा महिलाको उपस्थितिलाई प्राथमिकता दिइरहेको कुरालाई स्वीकार गर्नु पनि पर्छ । नेतृत्वमा महिलाको उपस्थितिले उनीहरुको प्रभावले ठूलो प्रेरणा जागृत गरेको र परिवारमा कार्य सन्तुलन कायम राख्दै राम्रो परिणामहरु ल्याएको देखिएको छ ।
पिटरसन इन्सटीच्यूट फर इन्टरनेश्नल इकोनमिक्सले ९१ वटा मुलुकका २१ हजार ९ सय ८० वटा कम्पनीमाथि गरेको सर्वैक्षणले सि सूट लेभल अर्थात् शीर्ष कार्यकारी तहमा महिला भएको कम्पनीले आफ्नो नेट मार्जिनमा व्यापक वृद्धि गरेको पाइएको छ । व्यापारमा महिला विषयमाथिको ग्रान्ट थर्नटन प्रतिवेदनले विश्वभरी शीर्ष व्यवस्थापनमा महिला कर्मचारी भएको व्यवसायको प्रतिशत ६६ प्रतिशतदेखि ७५ प्रतिशतमा वृद्धि भएको पाइएको छ ।
एउटा यस्तै व्यवसाय क्षेत्र हो हस्पिटालिटी जहाँ कुनै समय पुरुषको वर्चस्व रहन्थ्यो अहिले यहाँ दुबै महिला र पुरुषको उत्तिकै उपस्थिति देखिन्छ ।
वल्ड ट्राभल एण्ड टुरिज्म काउन्सिलको विवरण अनुसार २०१९ को वर्षसम्म हस्पिटालिटीको क्षेत्रमा २७ करोड ५० लाख रोजगारी सृजना हुनेछ जसमा काउन्सिलले महिलाको बर्चस्व यस क्षेत्रमा अत्याधीक हुने अनुमान गरेको छ । नेतृत्वको भूमिकाबाट महिलाहरुले हस्पिटालिटी क्षेत्रमा सकरात्मक परिवर्तन ल्याएको छ । यससँगै हस्पिटालिटीको क्षेत्र थप समावेशी र विविधतापूर्ण कार्य क्षेत्र, धेरै महिलालाई आकर्षित गर्ने क्षेत्र, कामको समयमा महिलाको संवेदनशीलतालाई बुझ्ने क्षेत्र र महिला जीवन र काममा सन्तुलन ल्याउने क्षेत्रको रुपमा स्थापित हुँदैछ ।
महिलामा हुने उच्च तहको प्राकृतिक भावनात्मक गुणले उनीहरुलाई पाहुनाको आवश्यकता अरुभन्दा राम्ररी महसुस हुन्छ जुन स्वभाव कस्टमर सर्भिसको क्षेत्रमा एकदमै महत्वपूर्ण मानिन्छ । हस्पिटालिटीले विभिन्न महिलालाई एक ठाउँमा ल्याएर उनीहरुमा भएको मातृ स्वभावलाई एकसाथ ल्याएर काम गरी व्यवसायको उदेश्य पूरा गर्न मद्दत गर्दछ ।
हस्पिटालिटीको क्षेत्रमा महिलाले सामना गर्नु पर्ने धेरै चुनौतीहरु पनि छन् । यो व्यवसायमा संलग्न महिलाहरुले वर्षको २४ घण्टा काममा खटिनु पर्छ । यसमा अधीक समर्पण र परिवारसँगको समयसँगको रमाइला पलहरुसँग सम्झौता गर्नुपर्ने हुन्छ । यो क्षेत्र र महिला नेतृत्वहरुले एकदमै सहयोगी बनेर धेरै परिवर्तन ल्याउन सहयोग पुर्याएका छन् । हस्पिटालिटी क्षेत्रमा भएको लचिलो कार्यअवधी र सिफ्टको उपलब्धताले महिलाहरुलाई यस क्षेत्रमा स्वतन्त्र हुनु र आफ्नो पहिचान स्थापित गर्न सहयोग पु¥याएको छ । यसबाहेक समय समयमा महिलाहरुले पुरुष सहकर्मीहरुले आफ्नो निर्देशन र सल्लाह नमानी दिनेजस्ता समस्याहरु पनि भोग्ने गरेका छन् । तर यो क्षेत्रमा रहेका धेरै महिला नेतृतवलाई देख्दा यदि तपाईसँग धैर्यता, इच्छा र नेतृत्व गर्ने चाहाना छ भने यो सबै कुरा सम्भव हुने देखिन्छ ।
जब तपाई मानिसहरुका लागि मानिसहरुसँग काम गरिरहेको हुनुहुन्छ, तब तपाईलाई सीधा र जे परिआए गर्ने किसिमको हुनु आवश्यक छ । काम स्मार्ट र मेहेनती तरिकाले गरेमा नै महिलालाई दीर्घकालसम्मका लागि लग्न सक्छ । यसका लागि महिलाले हस्पिटालिटी मात्र होइन अरु क्षेत्रमा पनि भविष्य खोज्नसक्छन् । एजेन्सी
