शुक्रबार बिहान विषेश सूचनाको आधारमा प्रहरीले भारतीय नम्बर प्लेटको यूपी १९ टी ५१७१ नम्बरको ट्रकबाट उक्त चरेश बरामद गरेको प्रहरीले जनाएको छ ।

काठमाडौं । प्रहरीले धादिङको गजुरीबाट १ सय ६४ किलो अवैध लागुऔषध चरेशसहित एक भारतीय नागरिकलाई पक्राउ गरेको छ । शुक्रबार बिहान विषेश सूचनाको आधारमा प्रहरीले भारतीय नम्बर प्लेटको यूपी १९ टी ५१७१ नम्बरको ट्रकबाट उक्त चरेश बरामद गरेको प्रहरीले जनाएको छ ।

काठमाडौंमा सामान छाडेर भारततर्फ फर्कँदै गरेको ट्रकमा चरेश लैजाँदै गरेका बेला प्रहरीले नियन्त्रणमा लिएको लागुऔषध ब्यूरोका एसएसपी विश्वराज पोखरेलले जानकारी दिए । प्रहरीले ट्रक चालक भारत प्रदेशका मौ महातपलाई पक्राउ गरेको छ । पक्राउ परेका भारतीय नागरिकलाई थुनामा राखेर आवश्यक अनुसन्धान भईरहेको प्रहरीले जनाएको छ ।