१० लाखभन्दा बढी रकम लिएर हिड्न नपाउने भएपछि यादवले २० लाख रुपैयाँ शरीरको विभिन्न भागमा संकास्पद तरिकाले लुकाएको अवस्थामा फेला परेकोले उनलाई पक्राउ गरी अनुसन्धान भइरहेको प्रहरीले जनाएको छ ।
काठमाडौं । प्रहरीले काठमाडौंको नागढुङ्गाबाट अवैध २० लाख रुपैयाँ नगदसहित १ जनालाई पक्राउ गरेको छ । आईतबार बिहान रौतहटबाट काठमाडौं आउँदै गरेको ना ५ ख २२३३ नम्बरको यात्रुबहाक बसमा सवार रौतहट राजदेवी नगरपालीका ७ का २३ वर्षीइ रुबोदकुमार यादवका साथबाट स्रोत नखुलेको उक्त रकम बरामद भएको काठमाडौं प्रहरीले जानकारी दिएको छ ।
प्रहरीका अनुसार यादवले २० लाख रुपैयाँ शरीरको विभिन्न भागमा लुकाएर ल्याउँदै गरेका थिए । यादवले उक्त रकमको स्रोत देखाउन नसकेपछि नियन्त्रणमा लिएर आवश्यक अनुसन्धान अघि बढाएको प्रहरीले जनाएको छ ।
१० लाखभन्दा बढी रकम लिएर हिड्न नपाउने भएपछि यादवले २० लाख रुपैयाँ शरीरको विभिन्न भागमा संकास्पद तरिकाले लुकाएको अवस्थामा फेला परेकोले उनलाई पक्राउ गरी अनुसन्धान भइरहेको प्रहरीले जनाएको छ ।