नेपालस्थित मलेसियन दूतावासले स्वास्थ्य व्यवसायी महासङ्घलाई पत्र लेखेर ३७ ओटा स्वास्थ्य संस्था नै बायोमेट्रिकका लागि उपयुक्त रहेको पत्रसहित समाचार आएपछि मन्त्रालयले शुक्रबार विज्ञप्ति जारी गरेर खण्डन गरेको हो ।
काठमाडौं । मलेसिया जाने नेपाली कामदारको स्वास्थ्य परीक्षण नयाँ मापदण्डअनुसार नयाँ स्वास्थ्य संस्थाहरुबाटै हुने श्रम, रोजगार तथा सामाजिक सुरक्षा मन्त्रालयले दाबी गरेको छ ।
नेपालस्थित मलेसियन दूतावासले स्वास्थ्य व्यवसायी महासङ्घलाई पत्र लेखेर ३७ ओटा स्वास्थ्य संस्था नै बायोमेट्रिकका लागि उपयुक्त रहेको पत्रसहित समाचार आएपछि मन्त्रालयले शुक्रबार विज्ञप्ति जारी गरेर खण्डन गरेको हो ।
मन्त्रालयले मलेसियाको स्वास्थ्य परीक्षणसम्बन्धी मापदण्ड पूरा गर्न सक्ने स्वास्थ्य संस्थाहरुबाट स्वास्थ्य परीक्षणका लागि सूचीकृत हुन प्रस्ताव आह्वान गरेको बताउँदै सो प्रावधानअनुरुप सूचीकृत हुन चाहने स्वास्थ्य संस्थाहरुले मन्त्रालयमा आवेदन दिएका र तिनको हकमा प्राविधिक अनुगमन कार्य भइरहेको जनाएको छ ।
मन्त्रालयले मलेसिया सरकारसँग भएको सम्झौताबमोजिम स्वास्थ्य जाँच गर्ने संस्थाहरुको छनोट प्रक्रिया नटुङ्गिसकेको अवस्थामा कुनै निर्णय नआएको जानकारी दिएको छ ।
