यसअघि सामाजिक सञ्जालको विवरण पेश गर्नु नपर्ने व्यवस्थालाई परिमार्जन गर्दै अब भिसा आवेदकले सामाजिक सञ्जालका आफ्ना गतिविधिहरुको पनि विवरण अनिवार्य रुपमा बुझाउनुपर्ने व्यवस्था ल्याएको हो ।
एजेन्सी । अमेरिकाले आफ्नो देश आउन चाहनेहरुका लागि भिसामा थप कडाइ गरेको छ । अमेरिकाको स्टेट डिपार्टमेन्टले भिसा आवेदकका लागि थप कडाइ गर्दै सामाजिक सञ्जालका गतिविधिहरुसमेत पेश गर्नुपर्ने नयाँ नियम बनाएको छ ।
यसअघि सामाजिक सञ्जालको विवरण पेश गर्नु नपर्ने व्यवस्थालाई परिमार्जन गर्दै अब भिसा आवेदकले सामाजिक सञ्जालका आफ्ना गतिविधिहरुको पनि विवरण अनिवार्य रुपमा बुझाउनुपर्ने व्यवस्था ल्याएको हो । साथै सामाजिक सञ्जालको नामसँगै पाँच वर्षदेखि प्रयोग गरिरहेको इमेल ठेगाना र फोन नम्बरको विवरणसमेत बुझाउनुपर्ने व्यवस्था बनाइएको स्टेट विभागका अधिकारीहरुले जनाएका छन् ।
अमेरिकी राष्ट्रपति डोनल्ड ट्रम्प प्रशासनले सन् २०१८ को मार्चमा यससम्बन्धी प्रस्ताव गरेको थियो । यो प्रस्तावको ब्यापक आलोचना भएपनि प्रस्तावको केही समयपछि यो व्यवस्था कार्यान्वयनमा नै ल्याएको हो । यो ब्यवस्था कार्यान्वयन भएसँगै अमेरिकको लागि भिसा आवेदन झन्झटिलो हुने छ ।
यद्यपी केही निश्चित कूटनीतिज्ञ र औपचारिक भिसाका आवेदकको हकमा भने यो नियम लागू नहुने र उनीहरुले सामाजिक सञ्जालको विवरणविना नै भिसा प्राप्त गर्न सक्नेछन् ।
जानकारहरुका अनुसार यो व्यवस्थाले करिब १ करोड ४७ लाख मानिसहरु प्रभावित हुने अनुमान पछ । खासगरी काम र अध्ययनका लागि अमेरिका जान चाहनेका लागि सामाजिक सञ्जाल, फोन नम्बर र इमेल ठेगानाको विवरण अनिवार्य रुपमा बुझाउनु पर्ने व्यवस्था गरिएको छ ।
