चिनियाँ विदेश मन्त्रालयका प्रवक्ता लु काङका अनुसार राष्ट्रपति सी किर्गिजस्तानको राजधानी विश्केकमा आयोजना हुने १९औं शाङ्घाई सहयोग संगठन (एससीओ) को बैठकमा सहभागी हुनेछन् ।
बेइजिङ । चिनियाँ राष्ट्रपति सी चिनफिङले आगामी जुन १२ देखि १६ सम्म किर्गिजस्तान र ताजिकिस्तानको भ्रमण गर्ने भएका छन् ।
चिनियाँ विदेश मन्त्रालयका प्रवक्ता लु काङका अनुसार राष्ट्रपति सी किर्गिजस्तानको राजधानी विश्केकमा आयोजना हुने १९औं शाङ्घाई सहयोग संगठन (एससीओ) को बैठकमा सहभागी हुनेछन् । उक्त बैठकमा संगठनमा आबद्ध मुलुकका सरकार एवं राष्ट्र प्रमुखहरुको सहभागिता रहनेछ ।
साथै राष्ट्रपति सीले दुवै मुलुकको औपचारिक राजकीय भ्रमण पनि गर्ने कार्यक्रम रहेको प्रवक्ता काङले जानकारी दिए । राष्ट्रपति सीले किर्गिज राष्ट्रपति सूरोन्बे जीनबेकोभ र ताजिक राष्ट्रपति इमोमाली रहमोनको मैत्रीपूर्ण निमन्त्रणमा ती मुलुकको भ्रमण गर्न लागेका हुन् । रासस/सिन्ह्वा
