साउनयता ८४ कम्पनीहरुले २३ अर्ब ८१ करोड ५२ लाख २६ हजार रुपैयाँ बराबरको २४ करोड ४४ लाख ४७ हजार कित्ता बोनस सेयर वितरण गरेको नेपाल धितोपत्र बोर्डले जनाएको छ ।
काठमाडौं । नेपाल स्टक एक्सचेन्ज (नेप्से) लिमिटेडमा सुचिकृत विभिन्न कम्पनीहरुले सेयरधनीलाई अर्बौ रुपैयाँ बराबरको बोनस सेयर वितरण गरेका छन् ।
साउनयता ८४ कम्पनीहरुले २३ अर्ब ८१ करोड ५२ लाख २६ हजार रुपैयाँ बराबरको २४ करोड ४४ लाख ४७ हजार कित्ता बोनस सेयर वितरण गरेको नेपाल धितोपत्र बोर्डले जनाएको छ ।
कम्पनीहरुले अघिल्लो र गत आर्थिक वर्षमा गरी सेयरधनीलाई बोनस सेयर वितरण गरेका हुन । बोनस सेयर वितरण गर्नेमा अधिकाँश बैङ्क तथा वित्तीय संस्था रहेका छन् ।
यस्तै बिमा, जलविद्युत, होटललगायत कम्पनीले सेयरधनीलाई वितरण गरेका छन । बोनस सेयर धितोपत्र बोर्डमा दर्ता हुनुका साथै नेप्सेमा सुचिकृत भई कारोबार सुरु भइसकेको छ । बोनस सेयरको सूचि हेर्न यहाँ क्लिक गर्नुहोस ।
बैङ्क तथा वित्तीय संस्था र बिमा कम्पनीले चुत्तापुँजी बढाउन सेयरधनीलाई बोनस सेयर दिएका हुन । सबैभन्दा बढी बोनस सेयर दिनेमा वाणिज्य बैंङ्कहरु रहेका छन ।
यस्तै जलविद्युतले नयाँ आयोजना निर्माण गर्नका लागि पुँजी बढाउन लगानीकर्तालाई बोनस सेयर दिएका हुन । बिमा कम्पनीले न्युनतम चुत्तापुँजी पुर्याउनु पर्ने भएपछि सेयरधनीलाई बोनस सेयर दिन थालेका छन् ।
बिमा समितिले जीवन बिमालाई २ अर्ब र निर्जीवन बिमालाई १ अर्ब रुपैयाँ चुत्तापुँजी तोकेको छ । गत आर्थिक वर्षमा ३३ अर्ब रुपैयाँ बढी बोनस सेयर वितरण भएको थियो ।