बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को चौथो शिखर सम्मेलनले १८ बुँदे काठमाडौं घोषणापत्र जारी गर्दै २०२० मा नेपालले बिम्स्टेक पर्यटन कनक्लेभ गर्ने उल्लेख गरिएको हो ।
पर्यटन प्रवद्र्धनका लागि नेपालले बिम्स्टेक पर्यटन सम्मेलन गर्ने भएको छ । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को चौथो शिखर सम्मेलनले १८ बुँदे काठमाडौं घोषणापत्र जारी गर्दै २०२० मा नेपालले बिम्स्टेक पर्यटन कनक्लेभ गर्ने उल्लेख गरिएको हो ।
नेपाल सरकारले २०२० लाई भ्रमण वर्षको रुपमा घोषणा गरी २० लाख पर्यटक नेपालमा भित्र्याउने घोषणा गरेको छ । बिम्स्टेकको यो निर्णयले नेपालको पर्यटन क्षेत्रमा ठूलो टेवा पुग्ने ट्रेकिङ एजेन्सिज एसोसिएसन अफ नेपाल (टान)का महासचिव आङपेम्बा शेर्पाको भनाइ छ । उनले बिम्स्टेकको सम्मेलनसँगै नेपालको पर्यटन क्षेत्रको समेत प्रचार प्रसार हुने भएकाले स्वागत योग्य भएको उनको भनाइ छ ।
बिम्स्टेक पर्यटन सम्मेलनका लागि निजी क्षेत्रबाट आवश्यक सहयोग गर्न तयार रहेको समेत टानका महासचिव शेर्पाले जानकारी दिए ।