फोरमले दोस्रो बजारमा हुने अस्वाभाविक उतारचढावलाई कम गर्ने, मार्जिन ल्यान्डिङ सुरु गर्न यथाशीघ्र पहल गर्ने, गैरआवासीय नेपालीलाई पुँजीबजारमा प्रवेश गराउने, ब्रोकरको कमिसन घटाउनेलगायत माग राखेको छ ।
नेपाल इन्भेस्टर्स फोरमले बजार सुधार गर्न नेपाल धितोपत्र बोर्डसँग ३० बुँदे मागपत्र बुझाएको छ । फोरमले नेपाली पुँजीबजार सुधारका लागि भन्दै बोर्डसँग सञ्चार माध्यमलाई नियन्त्रणदेखिका माग पेस गरेको छ ।
बोर्डका अध्यक्ष रेवतबहादुर कार्कीलाई बुझाइएको उक्त पत्रमा बैङ्कलाई ब्रोकर लाइसेन्स छिटो उपलब्ध गराउने, म्युचुअल फन्डलाई दिइँदै आएको साधारणतर्फको आरक्षण कम्तीमा ३ वर्षको हुनुपर्नेलगायतका माग छन् । फोरमका अध्यक्ष अम्बिकाप्रसाद पौडेलको नेतृत्वमा टोली बोर्ड गएको थियो ।
फोरमले दोस्रो बजारमा हुने अस्वाभाविक उतारचढावलाई कम गर्ने, मार्जिन ल्यान्डिङ सुरु गर्न यथाशीघ्र पहल गर्ने, गैरआवासीय नेपालीलाई पुँजीबजारमा प्रवेश गराउने, ब्रोकरको कमिसन घटाउनेलगायत माग राखेको छ ।
कमजोर क्रेडिट रेटिङ भएका कम्पनीलाई आईपीओ जारीको स्वीकृति नदिने, एफपीओको मूल्य तोक्ने वैज्ञानिक र सर्वमान्य आधार तय गर्ने, मर्जर तथा एक्विजिसन प्रक्रियालाई सुलभ बनाउने, साधारणसभा सम्पन्न भएको ७ दिनभित्र बोनस सेयर तथा लाभांश वितरण गर्नेलगायतका व्यवस्था मिलाउन माग गरेको छ ।
