कम्पनीले कात्तिक २६ गतेसम्म कायम सेयर धनीका लागि १ः१.०५ को अनुपातमा १०० रुपैयाँ अङ्कित हकप्रद सेयर निष्कासन गरेको हो ।
काठमाडौं : एभरेष्ट इन्स्योरेन्स कम्पनी लिमिटेडले संस्थापकतर्फ मङ्सिर १६ गते (आज)देखि १ अर्ब ४० करोड ३ लाख ३२ हजार ५०० रुपैयाँ बराबरको १ करोड ४० लाख ३ हजार ३२५ कित्ता हकप्रद सेयर निष्कासन गरेको छ । कम्पनीले कात्तिक २६ गतेसम्म कायम सेयर धनीका लागि १ः१.०५ को अनुपातमा १०० रुपैयाँ अङ्कित हकप्रद सेयर निष्कासन गरेको हो ।
कम्पनीले निष्कासन गरेको सेयरमा लगानीकर्ताले पुस २२ गतेसम्म आवेदन दिन सक्नेछन् । बिक्री प्रबन्धकमा सिद्धार्थ क्यापिटल रहेको हकप्रद सेयरमा एभरेष्ट इन्स्योरेन्सको शाखा कार्यालय तथा नेपाल धितोपत्र बोर्डबाट सीआस्बा मान्यता प्राप्त सम्पूर्ण बैङ्क तथा वित्तीय संस्थाबाट आवेदन दिन सकिने छ ।
