चन्द्रागिरि हिल्स लिमिटेडको सिटी सम्पर्क कार्यालय पानीपोखरीस्थित आइएमई कम्प्लेक्सबाट हरेक दिन बिहान १० बजे छुट्ने उक्त बसले लाजिम्पाट, कान्तिपथ, सोह्रखुट्टे, सोल्टीमोड, कलङ्की हुँदै चन्द्रागिरि हिल्सको बेस स्टेसनसम्मको दुरी तय गर्नेछ ।
काठमाडौं : आइएमई ग्रुपअन्तर्गत सञ्चालित आइएमई ट्राभलले अङ्ग्रेजी नयाँ वर्ष – २०१९ को अवसरमा पानीपोखरीदेखि चन्द्रागिरिसम्म सटल बस सेवा प्रारम्भ गरेको छ ।
चन्द्रागिरि हिल्स लिमिटेडको सिटी सम्पर्क कार्यालय पानीपोखरीस्थित आइएमई कम्प्लेक्सबाट हरेक दिन बिहान १० बजे छुट्ने उक्त बसले लाजिम्पाट, कान्तिपथ, सोह्रखुट्टे, सोल्टीमोड, कलङ्की हुँदै चन्द्रागिरि हिल्सको बेस स्टेसनसम्मको दुरी तय गर्नेछ ।
साँझ ४ बजे चन्द्रागिरि हिल्सको बेस स्टेसनबाट छुट्ने उक्त बससेवा कलङ्की, सोल्टीमोड, सोह्रखुट्टे, कान्तिपथ, लाजिम्पाट हुँदै पानीपोखरीसम्म आइपुग्ने छ । चन्द्रागिरिसम्म पुग्न इच्छुक स्वदेशी तथा विदेशी पर्यटकहरूको सहज आवागमनलाई मध्यनजर गर्दै यस्तो सुविधासम्पन्न बस सेवा सञ्चालनमा ल्याएइको आइएमई ट्राभलका प्रमुख कार्यकारी अधिकृत बिनोद सापकोटाले बताए ।
