कम्पनीले आयोजना प्रभावित स्थानीयबासिन्दाको बिक्री नभएको समेत जोडेर १८ करोड १६ लाख ११ हजार रुपैयाँ बराबरको १८ लाख १६ हजार ११० कित्ता आईपीओ निष्कासन गर्ने भएको हो ।
काठमाडौं । निजी क्षेत्रबाट प्रवद्र्धित माउन्टेन हाइड्रो नेपाल लिमिटेडले साधारण सेयर (आईपीओ) निष्कासन गर्ने भएको छ । आईपीओ निष्कासन गर्न माउन्टेनलाई नेपाल धितोपत्र बोर्डले स्वीकृति दिएको छ ।
कम्पनीले आयोजना प्रभावित स्थानीयबासिन्दाको बिक्री नभएको समेत जोडेर १८ करोड १६ लाख ११ हजार रुपैयाँ बराबरको १८ लाख १६ हजार ११० कित्ता आईपीओ निष्कासन गर्ने भएको हो ।
आयोजना प्रभावित स्थानीयबासिन्दालाई निष्कासन गर्दा ५ करोड ६६ लाख ११ हजार रुपैयाँ बराबरको ५ लाख ६६ हजार ११० कित्ता आईपीओ बिक्री हुन बाँकी छ । कम्पनीले २१.६ मेगावाटको तल्लो हेवाखोला आयोजना निर्माण गरिरहेको छ ।
सो आयोजना बनाउन ३ अर्ब ९५ करोड २९ लाख रुपैयाँ खर्च हुने अनुमान छ । आयोजनाको लागत प्रतिमेगावाट १८ करोड ३० लाख रुपैयाँ छ । आयोजना सञ्चालनमा आएको ८ वर्षमा लगानी फिर्ता हुने अनुमान गरिएको छ ।
आयोजनामा सेञ्चुरी कमर्शियल बैंकको अगुवाइमा एक दर्जन बैंकले आयोजनामा २ अर्ब ६३ करोड ७५ लाख रुपैयाँ ऋण लगानी गरेका छन ।
