शिवमले प्रिमियम मूल्यमा ४० लाख कित्ता खुलाउँदा पाँचथर पावर कम्पनी लिमिटेडले १७ करोड ५० लाख २५ हजार रुपैयाँ बराबरको १७ लाख ५० हजार २५० कित्ता आईपीओ निष्कासन गर्न लागेको हो ।
काठमाडौं । शिवम सिमेन्ट लिमिटेडले आज सोमबारदेखि साधारण सेयर (आईपीओ) निष्कासन गरेको छ । शिवमले प्रतिकित्ता ३०० रुपैयाँ प्रिमियम दरमा ४४ लाख कित्ता आईपीओ निष्कासन गरेको हो । आयोजना प्रभावित स्थानीयबान्दिालाई प्रतिकित्ता २०० र सर्वसाधारणलाई ३०० रुपैयाँ तोकिएको छ ।
शिवमले प्रिमियम मूल्यमा ४० लाख कित्ता खुलाउँदा पाँचथर पावर कम्पनी लिमिटेडले १७ करोड ५० लाख २५ हजार रुपैयाँ बराबरको १७ लाख ५० हजार २५० कित्ता आईपीओ निष्कासन गर्न लागेको हो ।
शिवमको आईपीओ निष्कासन बन्द छिटोमा फागुन ९ र ढिलामा चैत ५ गतेसम्म तोकिएको निष्कासन तथा बिक्री प्रवन्धक सिद्धार्थ क्यापिटल लिमिटेडले जनाएको छ । न्युनतम ५० देखि अधिकतम ५ लाख ७९ हजार ६४० कित्तासम्म आवेदन दिन सकिने छ । साधारण सेयर निष्कासन गरी बाँडफाँट गरेपश्चात शिवमको चुक्ता पूँजी ४ अर्ब ४० करोड रुपैयाँ हुनेछ ।
आईपीओ निष्कासन गरेकै दिन संस्थागत लगानीकर्ताले आईपीओ भर्न पाउने निष्कासन तथा बिक्री प्रवन्धक सिद्धार्थ क्यापिटल लिमिटेडले जनाएको छ । न्यूनतम ५० र अधिकतम ५ लाख ७९ हजार ६४० कित्तासम्म आईपीओ भर्न पाइने सिद्धार्थले जानकारी दिएको छ ।कुल निष्कासनमध्ये सङ्गठित संस्थाका कर्मचारी र सामूहिक लगानी कोषलाई गरी ६ लाख कित्ता वितरण गरी ४१ लाख २० हजार कित्ता सर्वसाधारणलाई निष्कासन गरिएको छ ।
उद्योगले सर्वसाधारणको प्रिमियम मूल्य ४०० बाट घटाएर ३०० र आयोजना प्रभावित स्थानीय बासिन्दालाई ३०० बाट २०० रुपैयाँमा कायम गरेको छ । २ अर्ब २ करोड ४० लाख रुपैयाँ एनआईबीएल एस क्यापिटल लिमिटेडबाट प्रत्याभूति गराइएको छ । आईपीओ निष्कासनबाट सङ्कलन हुने २ अर्ब २ करोड ४० लाख रुपैयाँ विभिन्न बैङ्कबाट लिएको कर्जा चुत्ता गर्ने उद्योगले जनाएको छ ।
यस्तै शिवमले चालु आर्थिक वर्षमा गरेको नाफाबाट प्रतिसेयर १५ रुपैयाँ र आगामी वर्ष २० रुपैयाँ लाभांंश दिने प्रस्ताव गरेको छ । सेयरधनीले औसत प्रतिसेयर ६ रुपैयाँ ६६ पैसा मात्र लाभांश पाउने भएका छन् ।
यस्तै पाँचथर पावर कम्पनीले फागुन १३ गतेदेखि आईपीओ निष्कासन गर्ने भएको छ । कम्पनीले आयोजना प्रभावित स्थानीयबासिन्दाले समेत नकिनेको ७ लाख ८७ हजार ७५० कित्ता थप गरी १७ करोड ५० लाख २५ हजार रुपैयाँ बराबरको १७ लाख ५० हजार २५० कित्ता आईपीओ निष्कासन गर्ने भएको हो ।
आईपीओ निष्कासन बन्द छिटोमा फागनु १६ गतेलाई तोकिएको निष्कासन तथा बिक्री प्रवन्धक सानिमा क्यापिटल लिमिटेडले जनाएको छ । कुल निष्कासन मध्ये २ प्रतिशत अर्थात ३५ हजार ५ कित्ता कम्पनीका कर्मचारी र ५ प्रतिशत अर्थात ८७ हजार ५१२ कित्ता सामूहिक लगानी कोषलाई सुरक्षित गरिएको सानिमाले बताएको छ ।
आईपीओ बाँडफाँडपछि कम्पनीको चुत्तापुँजी बढेर ९६करोड २५ लाख रुपैयाँ पुग्ने छ । न्युनतम १० देखि अधिकतम ९ हजार ६२० कित्तासम्म आईपीओमा आवेदन दिन पाइने छ ।
कम्पनीले पाँचथरमा १४.९ मेगावाटको हेवाखोला जलविद्युत आयोजना सञ्चालन गरिरहेको छ । आयोजना बनाउन २ अर्ब ६१ करोड ४७ लाख रुपैयाँ रहेको छ । प्रतिमेगावाट लागत १७ करोड ५४ लाख रुपैयाँ रहेको कम्पनीले जनाएको छ ।
