निगमले साताको तीन दिन ओसाका विमानस्थलमा उडान गर्ने गरी सम्पूर्ण प्रक्रिया पूरा गरिसकेको जनाएको छ । निगमले साताको मङ्गलबार, बिहीबार र शनिवार उडान गर्नेछ ।
काठमाडौं । नेपाल वायुसेवा निगमको वाइडबडी जहाजले जापानमा उडान गर्ने भएको छ । जापान उडानका लागि आवश्यक सम्पूर्ण कागजपत्र त्यहाँको उड्डयन प्राधिकरणलाई सोमबार पठाइएको निगम स्रोतले जानकारी दिएको छ । जापानले निगमलाई अपरेटिङ परमिट दिएलगत्तै उडान सुरु गर्ने बताइएको छ ।
निगमले साताको तीन दिन ओसाका विमानस्थलमा उडान गर्ने गरी सम्पूर्ण प्रक्रिया पूरा गरिसकेको जनाएको छ । निगमले साताको मङ्गलबार, बिहीबार र शनिवार उडान गर्नेछ ।
यसअघि पटकपटक समय सार्दै आएको निगमको यो पटक भने उडान निश्चित भएको बताइएको छ । गत असार र साउनमा भित्र्याएका दुई ओटा वाइडबडी जहाजले नयाँ गन्तव्यमा उडान नगरेको भन्दै आलोचना भइरहेको बेला जहाज आएको १ वर्षपछि जापानमा उडान गर्न लागेको हो । जापानपछि निगमले चीनमा उडान गर्ने तयारी छ ।
यी पनि पढ्नुहाेस्