संस्कृति, पर्यटन तथा नागरिक उड्डयन मन्त्रालय, पर्यटन विभाग, पर्यटन बोर्ड, वन तथा वातावरण मन्त्रालय, नेपाल पर्वतारोहण सङ्घ, नेपाली सेना तथा पासाङल्हामु गाउँपालिकाको आयोजनामा पहिलो पटक सफाइ गर्न लागिएको हो । सगरमाथामा दिनहुँ फोहोर भएको भन्दै आरोहीहरुले तीव्ररुपमा आलोचना गरिरहेका थिए ।
काठमाडौं । नेपाली सेनाले सर्वोच्च शिखर सगरमाथाको फोहोर हेलिकप्टरमार्फत निःशुल्क उठाउने भएको छ । वैशाख १४ देखि जेठ १५ गतेसम्म सगरमाथामा रहेको फोहोर सफा गरी सेनाले हेलिकप्टरमार्फत काठमाडौं ल्याउने भएको हो ।
संस्कृति, पर्यटन तथा नागरिक उड्डयन मन्त्रालय, पर्यटन विभाग, पर्यटन बोर्ड, वन तथा वातावरण मन्त्रालय, नेपाल पर्वतारोहण सङ्घ, नेपाली सेना तथा पासाङल्हामु गाउँपालिकाको आयोजनामा पहिलो पटक सफाइ गर्न लागिएको हो । सगरमाथामा दिनहुँ फोहोर भएको भन्दै आरोहीहरुले तीव्ररुपमा आलोचना गरिरहेका थिए ।
सफाइको तयारीबारे पत्रकारसम्मेलनमा बोल्दै शमशेर गुल्मका गणपति दीपेन्द्र न्यौपानेले सेनाकै हेलिकप्टरबाट फोहोर उठाउने बताए । उनले सफाइमा नेपाली सेनालाई पनि परिचालन गर्ने बताउँदै वैशाख १ गतेबाटै नाम्चेलगायतका क्षेत्रबाट सफाइको सुरुआत गर्ने जानकारी दिए ।
यस्तै पर्यटन विभागका महानिर्देशक डण्डुराज घिमिरेले हिमाल सरसफाइका लागि २ करोड ३२ लाख १६ हजार ३ सय ७ रुपैयाँ खर्च गरिने जानकारी दिए । हिमाल आरोहणको सिजन सुरु भएका कारण नयाँ डोरी फिक्सिङ गर्नुअघि नै पुराना डोरी निकाल्ने योजना रहेको उनको भनाइ छ ।
खुम्बु पासाङल्हामु गाउँपालिकाका अध्यक्ष ङिम दोर्जे शेर्पाले हिमाल सफाइको क्रममा भेटिएका शवलाई गृहमन्त्रालयसँगको सहकार्यमा सम्भव भएसम्म परिवारलाई बुझाउने र सम्भव नभए आफूहरुले नै जलाउने जानकारी दिए । उनले पछिल्लो समय विभिन्न निकायले हिमाल सफाइको नाममा व्यापार गरिरहेको आरोप लगाउँदै सरकारी स्तरबाट पहिलो पटक सफाइ हुन लागेकाले खुसी व्यक्त गरेका छन् ।
सगरमाथाबाट अनुमानित ५ हजार किलो फोहोर र सगरमाथाको अन्य क्षेत्रबाट पनि अनुमानित ५ हजार किलो फोहोर सङकलन हुने आयोजकले आशा लिएको छ । सफाइ अभियानमा १२ जना शेर्पा खटिने र उनीहरुले ४५ दिनभित्र सफाइ सम्पन्न गर्ने जनाएको छ ।
याे पनि पढ्नुहाेस् ।
