लामो समयदेखि चर्चामा रहेको उक्त आयोजना निर्माणका लागि चिनियाँ कम्पनी लगानी गर्न इच्छुक देखिएको बाहिरी चक्रपथअन्तर्गत उपत्यका विकास प्राधिकरणका शाखा अधिकृत ध्रुवप्रसाद आचार्यले जानकारी दिए । ‘चाइना रेलवे इन्जिनियरिङ गु्रपले पनि लगानी गर्न इच्छा देखाएको छ’ उनले भने, ‘अहिले उक्त ग्रुपले फिल्ड निरीक्षण गरिरहेको छ ।’
बाहिरी चक्रपथ निर्माण गर्न चिनियाँ कम्पनी इच्छुक देखिएको छ । चीनको चाइना रेलवे इन्जिनियरिङ कन्सल्टेन्ट ग्रुपले लगानी गर्न इच्छा देखाएको हो । लामो समयदेखि चर्चामा रहेको उक्त आयोजना निर्माणका लागि चिनियाँ कम्पनी लगानी गर्न इच्छुक देखिएको बाहिरी चक्रपथअन्तर्गत उपत्यका विकास प्राधिकरणका शाखा अधिकृत ध्रुवप्रसाद आचार्यले जानकारी दिए । ‘चाइना रेलवे इन्जिनियरिङ ग्रुपले पनि लगानी गर्न इच्छा देखाएको छ’ उनले भने, ‘अहिले उक्त गु्रपले फिल्ड निरीक्षण गरिरहेको छ ।’
उनका अनुसार चीनकै अन्य ५ ओटा कम्पनीबाट पनि प्रस्ताव आएको उनले बताए । बाहिरी चक्रपथको विस्तृत परियोजना प्रतिवेदन (डीपीआर) निर्माण भइसकेको र चिनियाँ कम्पनीले बेल्ट एन्ड रोड इनिसियटिभ (बीआरआई) प्रणालीबाट लगानी ल्याइने आचार्यले बताए । निर्माण गर्न इच्छुक कम्पनी रेलवे इन्जिनियरिङ ग्रुपले प्राधिकरणले अनुमान गरेको लागतभन्दा बढी लाग्न सक्ने बताएकाे छ ।
काठमाडौं उपत्यकाका तीन जिल्लालाई जोड्ने बाहिरी चक्रपथ निर्माणको कामले गति पाउन सकेको छैन । तीन वर्षअघि २०७२ मा प्रधानमन्त्री केपी शर्मा ओलीले चक्रपथ शिलान्यास गरे पनि औपचारिक रुपमा निर्माण अझै सुरु हुन नसकेको हो । साउनसम्म सम्पूर्ण प्रक्रिया पूरा गरी निर्माण सुरु गर्ने लक्ष्य लिएको प्राधिकरणले दसैंपछि मात्रै सुरु गर्न सकिने बताएको थियो ।
७२ किलोमिटर लामो चक्रपथको पहिलो चरणमा सतुङ्गलदेखि चोभारसम्मको ट्रयाक खोलिने छ । ५० मिटर फराकिलो निर्माण हुने चक्रपथ ८ लेनको बन्ने छ । काठमाडौँ उपत्यकामा ३५ दशमलव ८ किमी, ललितपुरमा १५ किमी र भक्तपुरमा २१ किमी लम्बाइको बन्ने छ । चक्रपथ निर्माणका लागि प्रभावित क्षेत्रका बासिन्दाहरुले ७ प्रतिशत जग्गा योगदान गर्नुपर्ने छ । त्यसबापत ट्रयाक निर्माण पश्चात् २० मिटर आसपासको जग्गा प्लटिङ हुने सापकोटाले बताए ।
१० वर्षभित्र निर्माण पूरा गर्ने लक्ष्य लिइएको चक्रपथ निर्माणका लागि झन्डै ७२ अर्ब रुपैँया लाग्ने अनुमान गरिएको छ । डीपीआर बनिसकेको ‘राइट अफ वे’ अनुसार प्लानिङ एरियाको ५० मिटर बाटो ग्राभेलिङ गरिने छ । 
