ग्राहकले तोकिएका नम्बरमा डायल गरेपछि उक्त नम्बरमा १ घण्टी जाने र आफैं फोन काटिने छ । त्यसपछि बैंकले ग्राहकले बुझ्न चाहेको जानकारी मोबाइलमा म्यासेजमार्फत् पठाउने छ ।

ग्लोबल आईएमई बैंक लिमिटेड अत्याधुनिक प्रविधिलाई आत्मसाथ गर्दैै जाने क्रममा यसअघि अत्याधुनिक मोबाइल बैंकिङ सेवा ग्लोबल स्मार्ट, भाइबर बैंकिङ, अंग्रेजी तथा नेपाली भाषामा इन्टरनेट बैैंकिङ सुविधा, अनलाइनमार्फत् घरमै अथवा जहाँकहीँ बसेर बैंक खाता खोल्न सकिने लगायतका सुविधा आफ्ना ग्राहकमाझ ल्याइसकेको छ ।

सबै क्षेत्र र वर्गसम्म बैंकिङ सेवाको पहुँच पुर्याउने उद्देश्यले बैंकले १ सय ३२ शाखा, ५ एक्सटेन्सन काउन्टर, १ सय ३८ एटीएम, १५ राजस्व संकलन काउन्टर, १ सय ३ वटा शाखारहित बैंकिङ सेवा र ३ प्रतिनिधि सम्पर्क कार्यालयमार्फत् ९ लाख ५० हजारभन्दा बढी ग्राहकमाझ सेवा प्रदान गरिरहेको छ ।

ग्लोबल आईएमई बैंक लिमिटेडले ग्राहकको सुविधालाई ध्यानमा राख्दै समय–समयमा आफ्ना सुविधामा थप परिमार्जन गर्दै जाने लक्ष्य लिएको छ ।