अङ्ग्रेजी नयाँ वर्षको अवसर पारेर राजधानीभित्रका आठ शाखाहरुमा नमुनाका रुपमा सुरु गरिएको यो सुविधा क्रमशः अन्य शाखामा पनि विस्तार गरिने मेगा बैङ्ककी सीईओ अनुपमा खुञ्जेलीले जानकारी दिइन् ।
काठमाडौं : मेगा बैङ्क नेपाल लिमिटेडले राजधानीका आठ शाखामा ग्राहकका लागि मङ्गलबारबाट विशेष सुविधा सुरु गरेको छ । बैङ्कमा सेवा लिन आउने ग्राहकहरुको सहजताका लागि मेगा बैङ्कले ‘कस्टमर केयर अफिसर’ नियुक्त गरी विशेष सुविधा थपेको हो ।
उनीहरुलाई ग्राहकहरुको बैङ्किङ आवश्यकतालाई हेरविचार गर्ने विशेष जिम्मेवारी दिइएको छ । अङ्ग्रेजी नयाँ वर्षको अवसर पारेर राजधानीभित्रका आठ शाखाहरुमा नमुनाका रुपमा सुरु गरिएको यो सुविधा क्रमशः अन्य शाखामा पनि विस्तार गरिने मेगा बैङ्ककी सीईओ अनुपमा खुञ्जेलीले जानकारी दिइन् ।
उनले ग्राहकहरुको विश्वास जित्दै अघि बढ्दै भन्ने मूल मन्त्रका साथ अगाडि बढेको बताइन् । ग्राहकहरुलाई बैङ्कमा आउँदा कुनै अप्ठ्यारो परे तत्काल हेरविचार होस् र सेवासुविधा लिन सहज होस् भन्ने उद्देश्यले यो सुविधा सुरिएको उनको भनाई छ ।
‘मेगा कस्टमर केयर अफिसर’ले मेगा बैङ्कको शाखा कार्यालयमा पुग्ने ग्राहकहरुलाई स्वागत गर्नुका साथै उनीहरुका समस्या, गुनासो र सुझाव सुनेर त्यसलाई बैङ्कका सम्बन्धित शाखासँग समन्वय गर्नेछन्, जसले ग्राहकहरुलाई बिनाझन्झट, छिटोछरितो सेवा लिन मद्दत पुग्ने मेगा बैङ्कको विश्वास छ ।
