एसोसियसनका अध्यक्ष ढुङानाले सबै बैंकका प्रमुख कार्यकारी अधिकृत (सीईओ) को संयुक्त बैठक गरेर यस विषयमा साझा धारणा बनाउने भन्दै एक साताको समय मागको उनले जानकारी दिइन ।
काठमाडौं । उद्योग व्यवसायीलाई लिदै आएको चर्को ब्याजदर घटाउन बैंङ्कर सहमत भएका छन् । नेपाल उद्योग वाणिज्य महासंघ र नेपाल बैंकर्स एसोसियसनका प्रतिनिधिबीच सोमबार भएको छलफलमा एक सातापछि ब्याजदर घटाउनका लागि पहल थाल्ने सहमति भएको हो ।
छलफलमा एसोसियसनका अध्यक्ष ज्ञानेन्द्र ढुङानाले कर्जाको ब्याजदर घटाउन सकरात्मक भएको बताउदै बैठक बोलाएर यस विषयमा निर्णय लिने जानकारी दिएको महासंघकी अध्यक्ष भवानी राणाले बताइन । एसोसियसनका अध्यक्ष ढुङानाले सबै बैंकका प्रमुख कार्यकारी अधिकृत (सीईओ) को संयुक्त बैठक गरेर यस विषयमा साझा धारणा बनाउने भन्दै एक साताको समय मागको उनले जानकारी दिइन ।
एसोसियसनले सीईओहरुसंग छलफलपछि महासंघसंग पुनः बैठक बसेर ब्याजदर घटाउन छलफल गर्ने सहमति भएको हो ।
एक सातापछि बैंङ्कको ब्याजदरमा कमी आउने विश्वास महासंघले लिएको राणाले बताइन ।बैंङ्कर र उद्योगीबीच बढेको दरारको अन्त्य भएको उनले बताइन् ।
अर्थमन्त्री डा. युवराज खतिवडाले ब्याजदरमा सहमति जुटाउन बैंङ्कर र महासंघलाई सार्वजनिक रुपमा अनुरोध गरेका थिए । सहमति नभए सरकारले हस्तक्षेप गर्ने चेतावनी दिएपछि बैंङ्कर संघ र महासंघका प्रतिनिधिले ब्याजदर घटाउन पहल थालेका हुन । सहमति नजुटाए सरकारले हस्तक्षेप गर्ने चेतावनी अर्थमन्त्री खतिवडाले दिएका थिए ।
मोरङ, रुपन्देही र सुर्खेतका केही उद्योगी व्यवसायीले बैङ्कले चर्को ब्याज लिएको भन्दै आन्दोलनमा उत्रिएपछि महासंंघले पनि उक्त आन्दोलनलाई साथ दिएको थियो । बैंकहरुको आधारदर घटेर एक अंकमा आएको छ । नेपाल राष्ट्र बैंकका अनुसार आधारदर ११ प्रतिशतबाट ९.७ प्रतिशतमा झरेको छ ।
