ग्लोबल आईएमई बैङ्कले भूकम्पपीडितका निम्ति निजी आवास निर्माण कर्जा, व्यावसायिक कृषि तथा पशुपन्छी कर्जा, महिला उद्यमशील कर्जा, ब्याज अनुदानसहितका अन्य सहुलियतपूर्ण कर्जा दिँदै आएको जानकारी दिएको छ ।
काठमाडौं । ग्लोबल आईएमई बैङ्क लिमिटेडले ग्राहकहरुलाई नेपाल सरकारद्वारा अनुदान प्राप्त सहुलियतपूर्ण कर्जा प्रवाह गरिरहेको छ । यसैबीच बैङ्कको त्रिशुली शाखा, नुवाकोटबाट चैत १५ मा एक समारोहबीच विभिन्न ६ जना भूकम्पपीडित व्यक्तिलाई राष्ट्रिय पुनर्निर्माण प्राधिकरणका कार्यकारी सदस्य डा. चन्द्रबहादुर श्रेष्ठले भूकम्पपीडितको निजी आवास निर्माण कर्जा वितरण गरेका छन् ।
सोही अवसरमा बैङ्कका रिटेल बैङ्किङ प्रमुख नरहरि सिलवालले विभिन्न तीन जना ग्राहकलाई कृषि तथा पशुपन्छी कर्जा र महिला उद्यमशील कर्जा वितरण गरेका छन् । उक्त कार्यक्रमका प्रमुख अतिथि राष्ट्रिय पुनर्निर्माण प्राधिकरणका कार्यकारी सदस्य डा. चन्द्रबहादुर श्रेष्ठले स्थानीय सरकारको सहयोगमा घर नबनाएका भूकम्पपीडितको घरघरमा गएर समस्याको पहिचान गर्ने र सरकारले अनुदान दिएर घर बनाउन लगाउँदा पनि लाभग्राहीले आनाकानी गरेमा सरकारले विशेष निगरानी राखेर वास्तविकता पत्ता लगाउने बताएका छन् । घर नबनाएका लाभग्राहीहरुले आर्थिक अवस्थाका कारण घर नबनाएको भए प्राविधिक सहयोग गर्ने र अन्यत्र घर भएर नबनाएको हो भने लाभग्राही सूचीबाट हटाउने उनको भनाइ छ ।
ग्लोबल आईएमई बैङ्कले भूकम्पपीडितका निम्ति निजी आवास निर्माण कर्जा, व्यावसायिक कृषि तथा पशुपन्छी कर्जा, महिला उद्यमशील कर्जा, ब्याज अनुदानसहितका अन्य सहुलियतपूर्ण कर्जा दिँदै आएको जानकारी दिएको छ ।
बैङ्कले १ सय ३४ ओृटा शाखा, १५ ओटा राजस्व सङ्कलन काउन्टर, १ सय ४२ एटीएम, ९ ओटा एक्सटेन्सन काउन्टर तथा १ सय २४ शाखारहित बैङ्किङ सेवा र नेपालबाहिर ३ प्रतिनिधि÷सम्पर्क कार्यालयमार्पmत आफ्ना १० लाखभन्दा बढी ग्राहकलाई सेवा प्रदान गर्दै आएको छ ।
