दैलेखको पूर्वी खन्ड जाजरकोट सिमानादेखि भगवतिमाई गाउँपालिकाको मनघर हुँदै दैलेखको नारायण नगरपालिकाको सिमाना लोहोरेसम्मको २२ किलोमिटर मध्यपहाडी सडकमा कालो पत्रेको तयारी गरिएको हो ।
दैलेख । मध्यपहाडी राजमार्गको दैलेख खन्डमा पर्ने १२६ किलोमिटर सडकमध्ये ५१ किलोमिटर सडकको कालोपत्र गर्न तयारी भएको छ । दैलेखको पूर्वी खन्ड जाजरकोट सिमानादेखि भगवतिमाई गाउँपालिकाको मनघर हुँदै दैलेखको नारायण नगरपालिकाको सिमाना लोहोरेसम्मको २२ किलोमिटर मध्यपहाडी सडकमा कालो पत्रेको तयारी गरिएको हो ।
उक्त स्थानमा दुईओटा निर्माण कम्पनीले ठेक्का लिएका छन् । खुलेको ठेक्कामध्ये ४२ प्रतिशत रकम घटेर ३६ करोड ५ लाखमा ११.८ किलोमिटर सडक कालोपत्रे गर्नका लागि शर्मा गजुरमुखिले काम लिएको छ । २०७७ असारमा काम सक्नुपर्ने भएपनि अहिले ५८ प्रतिशत काम सम्पन्न भैसकेको ईन्जिनियर तुलाराम शर्माले बताए । सोही क्षेत्रमा रमन के.एस.जेभीले १० किलोमिटर सडक कालोपत्रेका लागि ३९ प्रतिशत ठेक्का घटेर २८ करोड २४ लाखमा २०७४ असारबाट काम सुरु गरेको थियो ।
अहिले ६४ प्रतिशत काम सम्पन्न भैसकेको शर्माको भनाई छ । भगवतीमाई गाउँपालिकाभित्र परेको मध्यपहाडी सडकको विवाद समाधान भएसँगै कामले तीब्रता पाएको गाउँपालिकाका अध्यक्ष दानवहादुर थापाले बताए । ‘हामी आफैँ विवाद भएका स्थानमा पुग्यौं जनता र आयोजनाको बारेमा कुरा ग¥र्यौं केही स्थानमा समस्या थियो’ उनले भने, ‘त्यो समस्या समाधान गरेपछि पूर्वी क्षेत्रको काम छिटो भएको थियो र अनुगमन पनि प्रभावकारी भएको थियो ।’
दैलेख सदरमुकामको पश्चिम खण्डमा पर्ने रामाघाट लैनचौरको करिब १६ किलोमिटर र लैनचौर चगत्रा सडकको करिव १३.३ किलोमिटर सडक कालोपत्रेका लागि धमाधम काम भैरहेको छ । रामाघाट लैनचौरका लागि पप्पु हिमालयन जेभीले ३८ प्रतिशत ठेक्का घटेर ४७ करोड ७८ लाखमा काम लिएको छ । लैनचौर चगत्रा सम्म ३९ प्रतिशत ठेक्का घटेर ३० करोड ६१ लाखको काम रमन केएसले ठेक्का लिएको छ । उक्त क्षेत्रको काम पनि धमाधम भैरहेको ईन्जिनियर शर्माले बताए ।
दैलेख सदरमुकामको पूर्वी खन्डमा २ ओटा र पश्चिमी खन्डमा २ ओटा गरी ठेक्का स्वीकृत भएको ४ ओटा खण्डमा करिव ढेड अर्ब रकम बराबरको काम विभिन्न निर्माण कम्पनीहरु मार्फत भैरहेको छ । २०७७ असारमा काम सम्पन्न गर्नुपर्ने भएपनि यही अवस्थामा काम अगाडि बढेमा २०७६ सम्ममै काम सम्पन्न हुने आयोजनाले जानकारी दिएको छ ।
