लामाको स्वामित्वमा रहेको हिमदुङ्गले हुलाकी राजमार्ग अन्तर्गतको सर्लाहीको नवलपुरदेखि मलंगवासम्मको ३० किलोमिटर लामो सडकको स्तरोन्नतिका लागि २०७३ भदौ ३१ मा ठेक्का सम्झौता भएको थियो ।
काठमाडौं । नेपाली काँग्रेसका नेता तथा पूर्व साँसद बहादुरसिंह लामाले पनि ठेक्का लिन तर सम्झौता अनुसार काम नगरेको पाइएको छ । उनको स्वामित्वमा रहेको हिमदुङ्ग एन्ड थोकर कम्पनीले काम नगरेपछि हुलाकी राजमार्ग निर्देशनालयले ठेक्का तोड्न प्रक्रिया अघि बढाएको छ ।
लामाको स्वामित्वमा रहेको हिमदुङ्गले हुलाकी राजमार्ग अन्तर्गतको सर्लाहीको नवलपुरदेखि मलंगवासम्मको ३० किलोमिटर लामो सडकको स्तरोन्नतिका लागि २०७३ भदौ ३१ मा ठेक्का सम्झौता भएको थियो ।
तोकिएको समयमा पनि काम सम्पन्न नगरेपछि पटकपटक ठेक्काको म्याद थप गर्दा पनि उनको कम्पनीले काम सुरु नगरेपछि ठेक्का अन्त्यको प्रक्रिया अघि बढाएको हुलाकी राजमार्ग निर्देशनालयले जनाएको छ । सम्झौता अनुसार गत कात्तिक ३० गतेसम्म म्याद भएपनि सम्झौताको म्याद सकिएको ६ महिना बितिसक्दा पनि सडक निर्माणको काम सुरु गर्न तदारुकता नदेखाएपछि सम्झौता अन्त्य गर्न लागेको निर्देशनालयले स्पष्ट पारेको छ ।
