सरकारले सोमबार सार्वजनिक गरेको चालू आर्थिक वर्षको आर्थिक सर्वेक्षणमा पछिल्ला वर्षमा आयमा भएको वृद्धिसँगै बैङ्क तथा वित्तीय संस्थाले निक्षेपको ब्याजदर बढाएपछि राष्ट्रिय बचतमा बढोत्तरी आएको उल्लेख गरेको छ ।
काठमाडौं । बैङ्क तथा वित्तीय संस्थाले निक्षेपमा बढी ब्याज दिएपछि देशको राष्ट्रिय बचतमा वृद्धि भएको छ । चालू आर्थिक वर्षमा राष्ट्रिय बचत २.७ प्रतिशत बढेर २०.५ प्रतिशत पुगेको सरकारको अनुमान छ । गत वर्ष यस्तो बचत १७.८ प्रतिशत रहेको अर्थ मन्त्रालयले जनाएको छ ।
सरकारले सोमबार सार्वजनिक गरेको चालू आर्थिक वर्षको आर्थिक सर्वेक्षणमा पछिल्ला वर्षमा आयमा भएको वृद्धिसँगै बैङ्क तथा वित्तीय संस्थाले निक्षेपको ब्याजदर बढाएपछि राष्ट्रिय बचतमा बढोत्तरी आएको उल्लेख गरेको छ ।
चालू आर्थिक वर्षमा कुल गार्हस्थ्य उत्पादन (जीडीपी)मा बचतको अनुपात बढेर ५२.४ प्रतिशत पुगेको छ । गत वर्ष ४७.१ प्रतिशत थियो । पछिल्लो समयमा जनताले उपभोगभन्दा पनि बचत गर्न थालेको सरकारको भनाइ छ । यो वर्ष उपभोग घटेर ७९.५ प्रतिशतमा झर्ने अनुमान छ । गत वर्ष ८२.२ प्रतिशत थियो ।
३ वर्षयता बैङ्किङ प्रणालीमा लगानीयोग्य पुँजी (क्रेडिट क्रन्च)को अवस्था आएपछि बैङ्कहरुले निक्षेपको ब्याजदर बढाएर १२ प्रतिशतसम्म पुर्याएका थिए । अहिले पनि मुद्दती निक्षेपको ब्याजदर ९.५ प्रतिशतसम्म छ ।
पुँजी निर्माणमा सरकारको कार्यशैलीले नभई बैङ्कको बढ्दो ब्याजदरले वृद्धि भएको पूर्वसचिव रामेश्वर खनालको भनाइ छ । ‘बैङ्कहरूले निक्षेप तान्न आकर्षक ब्याजदर दिएपछि बचतकर्ताले बैङ्कमा पैसा राखेर बचत बढेको हो, सरकारका कारणले होइन’, उनले भने ।
