सरकारका केही प्रतिनिधिहरुले निर्माण व्यवसायीलाई सिध्याउने रणनीतिका साथ छैठौं संशोधन गरी नियमाली ल्याएको भन्दै भेलाले देश व्यापी आन्दोलनको तयारी गर्ने जनाएको छ
काठमाडौं । सार्वजनिक खरिद नियमावली (छैठौैं संशोधन)को विरोध गर्दै आएको नेपाल निर्माण व्यवसायी महासंघको बिषेश भेला राजधानी काठमाडौंमा सुरु भएको छ । आगामी आन्दोलनको रणनीति तयार पार्ने उद्देश्यले भेलाको आयोजना गरिएको महासंघका अध्यक्ष रवि सिंहको भनाइ छ ।
सरकारका केही प्रतिनिधिहरुले निर्माण व्यवसायीलाई सिध्याउने रणनीतिका साथ छैठौं संशोधन गरी नियमाली ल्याएको भन्दै भेलाले देश व्यापी आन्दोलनको तयारी गर्ने जनाएको छ ।
भेलाको उद्घाटन समारोहलाई सम्बोद्धन गर्दै अध्यक्ष सिंहले नियमाली संशोधनको लागि प्रधानमन्त्री केपी शर्मा ओली गम्भीर रहेको पाइएको जानकारी दिए । गत जेठ १४ गते भएको भेटमा प्रधानमन्त्री ओलीले नियमावली संशोधनको लागि आफू तयार रहेको आश्वासन पाएको उनको भनाइ छ ।
‘नियमावली संशोधन हुनु अगावै पनि हामीले भौतिक पूर्वधार मन्त्री रघुबीर महासेठलाई राखेर सुझाव दिएका थियौँ ।’ अध्यक्ष सिंहले भने, ‘तर निमावली प्रकाशन भइछाड्यो । अहिले पनि चुप लागेर बस्यौँ भने ऐन पनि त्यही किसिमको आउन सक्छ त्यसैले आन्दोलनको विकल्प छैन’ ।
महासंघले गत १४ गतेबाट सरकारी ठेक्का बहिस्कार गर्दै आएको छ । यस्तै महासंघका कार्यलयमा रहेका कर्मचारीहरुले कालो पट्टी बान्ने, कालो झन्डा राख्ने, धर्ना दिने, शान्तिपूर्ण ¥याालि गर्ने, हेबी ईकुप्मेन्ट प्रदर्शन गर्ने र साउन १ बाट निर्माणको सबै काम रोक्ने तयारीमा रहेका छन् ।
महासंघको आन्दोलन प्रति लोकतान्त्रिक निर्माण व्यवसायी संघ र निर्माण व्यवसायी संघठनले ऐक्यबद्धता जनाएका छन् ।
