ढिलोमा शनिबारसम्म एमओयू भइसक्ने प्राइम स्रोतले क्यापिटल नेपाललाई बतायो ।सेयर आदान प्रदान अनुपात (स्वाप रेसियो) विषयमा कुरा टुङ्ग्याउन बाँकी छ ।
काठमाडौं । प्राइम कमर्सियल बैङ्कले कैलाश विकास बैङ्कलाई प्राप्ति (एक्वायर) गर्ने भएको छ । प्राप्तिको लागि एक दुई दिनभित्र समझदारीपत्र (एमओयू) मा हस्ताक्षर हुने भएको छ ।
ढिलोमा शनिबारसम्म एमओयू भइसक्ने प्राइम स्रोतले क्यापिटल नेपाललाई बतायो ।सेयर आदान प्रदान अनुपात (स्वाप रेसियो) विषयमा कुरा टुङ्ग्याउन बाँकी छ ।
शुक्रबार वा शनिबारसम्म एमओयू भइसक्ने स्रोतको दावी छ । यसै गरी प्राइमले कन्काई विकास बैङ्कलाई एक्वायर गर्ने भएको छ । बिहीबार दुई बैङ्कबीच एक्वायरमा जान एमओयू भएको छ ।
प्राइमको १०० कित्ता बराबर कन्काइको ७१ कित्ता हुने गरी स्वाप रेसियो कायम गर्ने सहमति भएको प्राइम स्रोतले बतायो । प्राइमले ओम डेभलपमेन्ट बैङ्लाई प्राप्ति गर्नका लागि एमओयू गरे पनि पछि असफल भएको थियो । ओमलाई एनएमबी बैङ्कले प्राप्ति गर्ने भएको छ ।
प्राइमको चुक्ता पुँजी ८ अर्ब ३ करोड रुपैयाँ छ । कन्काईको पुँजी ५१ करोड ५० लाख रुपैयाँ छ । गत चैत मसान्तसम्म प्राइमको निक्षेप ६८ अर्ब ६५ करोड र कन्काईको १ अर्ब ९२ करोड ८८ लाख १२ हजार रुपैयाँ थियो ।
कन्काईले पनि चैत मसान्तसम्ममा ४ करोड ४० लाख रुपैयाँ नाफा आर्जन गरेको छ । नेपाल राष्ट्र बैङ्कले दबाब दिएको र सरकारले पनि बजेटमा ठूला बैङ्को मर्जर र प्राप्तिलाई प्रोत्साहन गरी कर छुटको समय १ वर्ष थप गरेको छ ।
