फुटबलको उन्माद संसारभरि बढिरहेका बेला फिफा विश्वकप २०१८ को नेपालमा आधिकारिक इजाजत प्राप्त मिडिया हबले नेपाली फुटबल फ्यानहरुका लागि चार ओटा नेपाली च्यानलमा विश्वकप प्रसारण गर्नेछ । मिडिया हबले ‘राम्रो नै हेरौं, हाम्रो मै हेरौ’ भन्ने नाराको साथ यो सुविधा प्रदान गरेको हो ।
नेपाली दर्शकले यस पटकको फिफा विश्व कप चार ओटा नेपाली च्यानल नेपाल टेलिभिजन, कान्तिपुर एचडी, डिशहोम एक्सन् स्पोर्टस् र एनटीभी प्लसमा हेर्न पाउनेछन् ।
फुटबलको उन्माद संसारभरि बढिरहेका बेला फिफा विश्वकप २०१८ को नेपालमा आधिकारिक इजाजत प्राप्त मिडिया हबले नेपाली फुटबल फ्यानहरुका लागि चार ओटा नेपाली च्यानलमा विश्वकप प्रसारण गर्नेछ । मिडिया हबले ‘राम्रो नै हेरौं, हाम्रो मै हेरौ’ भन्ने नाराको साथ यो सुविधा प्रदान गरेको हो ।
यस वर्षको विशेषता कान्तिपुर एचडी र डिशहोम एक्सन स्पोर्टस्मा एचडी क्वालिटीको प्रसारण हुने छ ।
अर्घाखाँची सिमेन्ट, बजाज पल्सर एनएस २००, कोकाकोला र राइनो ५०० डी नेपालमा विश्वकपका प्रस्तुतकर्ता हुन् । यसमा क्लियर, रेनो क्याप्चर, डिसहोम, नेपाल लाईफ इन्स्योरेन्स कम्पनी, जुपिटर क्लासिकको साझेदारी छ । हिमस्टार एलईडी बल्ब, एनआईसी एसिया बैङ्क, सर्वो लुब्रिकेन्टस् र एसियन पेन्टस्ले प्रसारणको समर्थन गरेका छन् ।
‘फिफा विश्व कप हेर्न विदेशी च्यानलमा मात्रै निर्भर हुनुपर्ने समय अब गएको छ । अब नेपालीहरुले विश्व कप नेपाली एचडी च्यानलहरुमै प्रत्यक्ष हेर्न पाउने छन्,’ मिडिया हबका कार्यकारी निर्देशक सोम धितालले भने ।
नेपालको सबैभन्दा पुरानो तथा ठूलो मिडिया कारोबार एजेन्सी मिडिया हब फिफा विश्वकप २०१८ को एक मात्र आधिकारिक टेलिभिजन प्रसारण साझेदार हो ।