आगामी २२ वर्षको दीर्घकालीन गुरुयोजनाअन्र्तगत सो अवधिमा उत्पादन हुने विद्युत् वितरण प्रणालीलाई सन्तुलन गर्न एक सय तीन ओटा विद्युत् सबस्टेसन निर्माण गर्ने लक्ष्य लिइएको हो । मुलुकका पाँच ओटै क्षेत्रमा त्यस्ता सबस्टेसन निर्माण गरिने ऊर्जा मन्त्रालयले जनाएको छ ।
सरकारले विद्युत् वितरण सन्तुलन कायम गर्न सयभन्दा बढी विद्युत् हब स्टेसन निर्माण गर्ने भएको छ । आगामी २२ वर्षको दीर्घकालीन गुरुयोजनाअन्र्तगत सो अवधिमा उत्पादन हुने विद्युत् वितरण प्रणालीलाई सन्तुलन गर्न एक सय तीन ओटा विद्युत् सबस्टेसन निर्माण गर्ने लक्ष्य लिइएको हो । मुलुकका पाँच ओटै क्षेत्रमा त्यस्ता सबस्टेसन निर्माण गरिने ऊर्जा मन्त्रालयले जनाएको छ ।
जसअर्न्तगत, जोन १ मा अत्तरिया र डोडोधारा, जोन २ मा फुलबारी र मैनटाडा, जोन ३ मा बुटवल र भरतपुर सबस्टेसन, जोन ४ मा खिम्ती, ढल्केबर र हेटौंडा, जोन ५ मा इनरुवा र मिर्चिया सबस्टेसन निर्माण हुने भएको हो । त्यस्ता सबस्टेसन १३२, २२० र ४०० केभी क्षमताका हुनेछन् । तीमध्ये ४००÷१३२ केभीका २९ ओटा, ४००÷२२०÷१३२ केभीका ११ ओटा, २२०÷१३२ केभीका १९ ओटा र १३२ केभीका ४४ ओटा सबस्टेसन बन्नेछन् ।
सरकारले १० वर्षमा आन्तरिक खपतलाई १० हजारसहित कुल १५ हजार विद्युत् उत्पादन गर्ने लक्ष्य पूरा गर्न विद्युत् वितरण प्रणालीका लागि पूर्वाधार योजना बनाएको ऊर्जा मन्त्रालयका प्रवक्ता दिनेशकुमार घिमिरेले जानकारी दिए । उनले विद्युत् आयोजनाहरुबाट उत्पादित विद्युत् राष्ट्रिय प्रसारण लाइनमा जोडेपछि सन्तुलित वितरण गर्न पनि सबस्टेसन निर्माणलाई प्राथमिकताका साथ अगाडि बढाइने बताए ।
उत्पादित विद्युत्लाई राष्ट्रिय प्रसारण लाइनमा जोडी सन्तुलित रुपमा वितरण गर्न सबस्टेसन निर्माणको गुरुयोजना बनाइएको नेपाल विद्युत प्राधिकरणका कार्यकारी निर्देशक कुलमान घिसिङले जानकारी दिए । उनले अहिलेको अवस्था जस्तो जलविद्युत् आयोजना बनेर उत्पादित विद्युत् खेर जाने स्थितिको अन्त्य गर्न पनि सबस्टेसन तथा प्रसारण लाइन सम्बन्धी गुरुयोजना बनेको बताए ।
