’आत्मनिर्भरता को आधार, स्वदेशी वस्तुको प्रयोग’ मूल नाराका साथ आउँदो १३ गते जुत्ता, चप्पल तथा छालाजन्य वस्तुहरुको १४ औं राष्ट्रिय औद्योगिक प्रदर्शनी काठकाडौंको भृकुटीमण्डपमा हुने भएको छ ।
कूल १ सय ३५ ओटा स्टलमा छालाका जुत्ता, स्पोर्टस जुत्ता, क्याजुअल जुत्ता, स्कुल कलेजका युनिफर्मका जुत्ता, जेन्स तथा लेडिज चप्पल एवं उद्योगसँग सम्बन्धित कच्चा पदार्थहरु तथा फुड स्टलहरु रहने छन् ।
प्रदर्शनीको मुख्य उद्देश्य नेपालभर छरिएर रहेका उद्योगबाट उत्पादन भएका जुत्ता चप्पल तथा छालाजन्य वस्तुहरु उपभोक्ताले एउटै छानामुनि अवलोकन तथा छनोट गरी प्रतिस्पर्धी मूल्यमा किन्न पाउनु हो । जुत्ता चप्पल र वस्तुहरुमा १५ प्रतिशतसम्म छुटको व्यवस्था छ । नयाँ डिजाईनका जुत्ताचप्पल तथा प्रदर्शनी हल भित्रै फेशन शो, निशुल्क स्वास्थ्य शिविर, रक्तदान, जेष्ठ नागरिकलाई निशुल्क प्रवेशको व्यवस्था छ ।
फुटवेयर म्यानुफ्याक्चरर्स एसोसिएशन अफ नेपालले स्वदेशी उत्पादनलाई प्रोेत्साहन र प्रवद्र्धन गर्ने मुख्य उद्देश्यका साथ हरेक वर्ष जुत्ता चप्पल तथा छालाजन्य वस्तुहरुको राष्ट्रिय औद्योगिक प्रदर्शनी आयोजना गर्ने गर्छ । स्वदेशी उत्पादनलाई राष्ट्रिय तथा अन्तर्राष्ट्रिय स्तरमा समेत परिचित गराउँदै स्वदेशी उत्पादनको प्रवद्र्धन र विकासको लागि पहिलो खुड्किलोका रुपमा प्रदर्शनी स्थापित भएको हो ।
प्रदर्शनीका गोल्डेन प्रयोजक गोल्ड स्टार र हात्ती छाप चप्पल हुन् भने सिल्भर स्पोन्सर कोसेली छाला जुत्ता उद्याग, केडी सुज, एक्सन पोलिमर प्रा.लि र लेदर क्राप्mट ,लालिगुराँस फुटवयर, यति पोलिकेम प्रालिले गरेका छन् ।
