अटोमोटिभ क्षेत्रले कुल राजस्वको १५ प्रतिशत योगदान गरेको भन्दै अर्थमन्त्री खडिवडाले यदि नेपालमै एसेम्बल्ड प्लान्ट राखेर गाडी बनाउँदा आयातमुखी अर्थतन्त्र विस्तारै पलायन हुने बताए ।
अर्थमन्त्री डा. युवराज खतिवडाले आयातभन्दा गाडी एसेम्बल्ड उद्योग स्थापना गर्ने उद्योगलाई सरकारले सहुलियत दिने बताएका छन् ।
नाडा अटो सो २०१८ को उद्घाटन गर्र्दै अर्थमन्त्री खतिवडाले एसेम्बल्ड गरेर गाडी बनाउँदा राज्यभित्र रोजगारी सिर्जना हुने र अर्थतन्त्र पनि दिगो हुने भएकाले सरकारले त्यस क्षेत्रलाई प्रोत्साहित गरेको बताए ।
अटोमोटिभ क्षेत्रले कुल राजस्वको १५ प्रतिशत योगदान गरेको भन्दै अर्थमन्त्री खडिवडाले यदि नेपालमै एसेम्बल्ड प्लान्ट राखेर गाडी बनाउँदा आयातमुखी अर्थतन्त्र विस्तारै पलायन हुने बताए ।
आयातले देशको व्यापार घाटालाई मात्रै प्रोत्साहित गर्ने र त्यो देशका लागि अत्यन्तै घातक हुने उनको भनाइ छ । ‘आयातमुखी अर्थतन्त्रबाट देशले क्षणिक लाभ त लिन्छ,’ उनले कार्यक्रममा भने, ‘तर, दीर्घकालमा यसको ठूलो असर देखिन्छ ।’
उद्योगधन्दा, कलकारखाना भनको देशको दिगो अर्थतन्त्र हो । यसले देशको कुल ग्रार्हस्थ्य उत्पादन (जीडीपी) मात्रै बढाउँदैन, रोजगारी वृद्धि गर्नुका साथै गरिबी न्यूनीकरणमा ठूलो भूमिका खेल्ने अर्थमन्त्री खतिवडाको भनाइ छ ।
कार्यक्रममा नेपाल अटोमोबाइल्स डिलर्स एसोसिएसनका अध्यक्ष शम्भुप्रसाद दाहालले अटोमोटिभ क्षेत्रले वार्षिक एक खर्ब रुपैयाँभन्दा बढी राजस्व बुझाउँदै आए पनि सरकारले यो क्षेत्रलाई सम्मानित रुपमा हेर्न नसकेको बताए । अर्थतन्त्रको मेरुदन्डको रुपमा रहेको अटो क्षेत्रलाई प्रोत्साहित गर्नुपर्ने दाहाललको तर्क छ ।
नेपाल उद्योग वाणिज्य महासङ्घकी अध्यक्ष भवानी राणाले अर्थमन्त्री खतिवडाले निजी क्षेत्रको भावना बुझ्न नसकेको बताइन् । ‘निजी क्षेत्रले अर्थतन्त्र बुझेका अर्थमन्त्रीसँग धेरै अपेक्षा पो राखे कि ?’ उनले भनिन्, ‘अपेक्षा धेरै र काम सोचेभन्दा थोरै भएको हुनसक्छ ।’
अर्थतन्त्रलाई चलायमान बनाउन नाडा आटो सोले महत्त्वपूर्ण भूमिका निर्वाह गरेको उनको भनाइ छ । महासङ्घभित्र पनि अटोमोटिभ क्षेत्र एकदमै चलायमान रहेको बताइन् ।
त्यसैगरी अध्यक्ष राणाले अर्थमन्त्रीलाई व्यङ्ग्य गर्दै भनिन्, ‘अहिलेका अर्थमन्त्रीलाई निजी क्षेत्रको समस्या भन्नै पर्दैन्, हामीले समस्या लिएर जानुपूर्व समाधान हुन्छ भन्ने सोचेको थियौं । तर, त्यो होइन रहेछ ।’
उनले हरेक अर्थमन्त्री तथा प्रधानमन्त्रीसँग पटक–पटक एउटै समस्या लिएर जानु परेको बताइन् । ‘विगत लामो समयदेखि निजी क्षेत्रका एउटै समस्या छन्, न यसअघिका सरकारले समाधान गरे, न अहिले बनेको सरकारले समाधानका लागि आवश्यक पहल नै ग¥यो,’ उनले भनिन्, ‘देशभित्र लगानी बढाउने तथा रोजगारी सिर्जना गर्ने निकाय निजी क्षेत्र नै हो ।’
नाडाका संयोजक निराकार श्रेष्ठले नाडामा विभिन्न सचेतनामूलक जानकारी गराइने बताए । नाडामा १ सय ३४ स्टल छन् । दुई पाङ्गे र चार पाङग्रेलाई छुट्टाछुट्टै स्टलको व्यवस्था गरिएको जानकारी दिए । ६ दिन चल्ने मेलामा ६० हजार अवलोकनकर्ताले अवलोकन गर्ने बताए । मेलामा गाडी बेच्ने मात्रै नभई विभिन्न जानकारी प्रदान गरिने आयोजकले बताएको छ ।
