नेपाल उद्योग परिसङ्घका अध्यक्ष हरिभक्त शर्मा, आईएमई समूहका कार्यकारी निर्देशक हेमराज ढकाल, प्रभु समूहका अध्यक्ष देवीप्रकाश भट्टचन, भाटभटेनी सुपरस्टोरका अध्यक्ष मीनबहादुर गुरुरू, गोल्छा अर्गनाइजेसनका अध्यक्ष लोकमान्य गोल्छा र प्रभु बैङ्कका प्रमुख कार्यकारी अधिकृत अशोक शेरचनलाई सुप्रबल जनसेवाश्रीे तेस्रो श्रेणीबाट विभूषित गरिएको हो ।
सरकारले संविधान दिवसका अवसरमा बुधबार उद्योगी व्यवसायीलाई पनि विभिन्न पदकद्वारा विभूषित गरेको छ ।
सरकारले व्यावसायिक क्षेत्रमा उत्कृष्ट योगदान पुर्याएको भन्दै उनीहरुलाई विभूषित गरेको हो ।
नेपाल उद्योग परिसङ्घका अध्यक्ष हरिभक्त शर्मा, आईएमई समूहका कार्यकारी निर्देशक हेमराज ढकाल, प्रभु समूहका अध्यक्ष देवीप्रकाश भट्टचन, भाटभटेनी सुपरस्टोरका अध्यक्ष मीनबहादुर गुरुरू, गोल्छा अर्गनाइजेसनका अध्यक्ष लोकमान्य गोल्छा र प्रभु बैङ्कका प्रमुख कार्यकारी अधिकृत अशोक शेरचनलाई सुप्रबल जनसेवाश्रीे तेस्रो श्रेणीबाट विभूषित गरिएको हो ।
त्यसैगरी व्यवसायीहरु राजेन्द्र मल्ल, अभिषेक बिक्रम शाह, निरु पुलामी, अमरमान जोशी र अजरमान जोशीलाई प्रबल जनसेवा श्री चतुर्थ श्रेणीबाट विभूषित गरिएको छ ।
राष्ट्रपति विद्यादेवी भण्डारीबाट विभूषित हुने सबैलाई बुधबार एक कार्यक्रमबीच विभूषण दिने कार्यक्रम छ ।
संविधान दिवसको अवसरमा राजनीतिज्ञ, समाजसेवी, कर्मचारी, साहित्यकार, कलाकार, चिकित्सक, पत्रकार, प्रशासक, खेलाडीलगायत विभिन्न पेशा तथा व्यवसाय आबद्ध व्यक्तिलाई मानपदवी, अलंकार र पदक प्रदान गर्ने परम्पराअनुरूप सरकारले उनीहरुलाई विभूषित गर्न लागेको हो ।
पदक पाउनेमा नेपाल कम्युनिस्ट पार्टीका संस्थापक नेता स्व. पुष्पलाल श्रेष्ठदेखि युवा क्रिकेटर सन्दीप लामिछानेसम्मका ४ सय २१ जना छन् ।
