युथ कम्युनिटी फर नेप्लिज कन्ट्र्याक्टर्सको मुख्य आयोजना तथा विभिन्न चार संस्था नेपाल इन्जिनियर्स एसोसिएसन, सोसाइटी अफ नेप्लिज आर्किटेक्ट, सोसाइटी अफ कन्सल्टिङ आर्किटेक्चरल एन्ड इन्जिनियरिङ फर्म र ब्रान्डवर्थ प्रालिको सहआयोजनामा दोस्रो संस्करणको एक्स्पो सुरु भएको हो ।
बिल्डिङ एन्ड कन्स्ट्रक्सन एक्स्पो २०७५ सुरु भएको छ । काठमाडौंको भृकुटीमण्डपमा चार दिनसम्म सञ्चालन हुने एक्स्पोमा सर्वसाधारणले सुरक्षित घर निर्माणको जानकारी पाउनेछन् ।
युथ कम्युनिटी फर नेप्लिज कन्ट्र्याक्टर्सको मुख्य आयोजना तथा विभिन्न चार संस्था नेपाल इन्जिनियर्स एसोसिएसन, सोसाइटी अफ नेप्लिज आर्किटेक्ट, सोसाइटी अफ कन्सल्टिङ आर्किटेक्चरल एन्ड इन्जिनियरिङ फर्म र ब्रान्डवर्थ प्रालिको सहआयोजनामा दोस्रो संस्करणको एक्स्पो सुरु भएको हो ।
भूकम्पपछि कस्ता घर बनाउने र कसरी सुरक्षित रहन सकिन्छ भन्नेबारे जानकारी दिने उद्देश्यले एक्स्पो आयोजना गरिएको युथ कम्युनिटी फर नेप्लिज कन्ट्र्याक्टर्सका वीरेन्द्रराज पाण्डेले बताए । भूकम्पपछि घर निर्माणका लागि विभिन्न सामग्री उत्पादन भएकाले त्यसको जानकारी पनि एक्स्पोमा पाइनेछ ।
एक्स्पोमा पेन्ट्स, स्टिल, इँटा तथा मार्बल, इन्टेरियर डिजाइन, बैङ्क तथा वित्तीय संस्था, ल्यान्ड एन्ड हाउजिङ, सिमेन्ट उत्पादक, फर्निचर, विद्युतीय उपकरण, पाइप तथा फिटिङ्स कम्पनीहरुको सहभागिता छ । एक्स्पोमा ६० ओटा स्टल छन् ।
